உலகின் செல்வாக்குமிக்க 16 டீனேஜர்கள் பட்டியலில் மாலியா ஒபாமா, மலாலா
நியூயார்க்: அமெரிக்க அதிபர் பாரக் ஒபாமாவின் மூத்த மகள் மாலியா, தாலிபான்களால் சுடப்பட்டு உயிர் பிழைத்த மலாலா ஆகியோர் உலகின் மிகவும் செல்வாக்கு மிக்க டீனேஜர்கள் பட்டியலில் இடம்பிடித்துள்ளனர்.
டைம்ஸ் பத்திரிக்கை உலகின் மிகவும் செல்வாக்கு மிக்க 16 டீனேஜர்களின் பட்டியலை வெளியிட்டுள்ளது. இந்த பட்டியலில் இளைஞர்களை இம்பிரஸ் செய்த இளம் பாடகர்கள், விளையாட்டு வீரர்கள், தொழில்நுப்ட நிபுணர்களாக இருக்கும் டீனேஜர்கள், எழுத்தாளர்கள், பத்திரிக்கையாளர்கள் ஆகியோர் இடம் பிடித்துள்ளனர்.
இந்த பட்டியலில் இடம்பெற்றுள்ளவர்களில் சிலரை பார்ப்போம்.
மாலியா ஒபாமா
அமெரிக்க அதிபர் பாரக் ஒபாமாவின் மூத்த மகள் மாலியா(15) உலகின் மிகவும் செல்வாக்கு மிக்க டீனேஜர்கள் பட்டியலில் இடம்பிடித்துள்ளார். மாலியாவும் அவரது தங்கை ஷாஷாவும் தந்தையின் நிகழ்ச்சிகளில் பெரியவர்கள் போன்று நடந்து கொள்வதாக தெரிவிக்கப்பட்டுள்ளது.
மலாலா
பெண் கல்விக்காக குரல் கொடுத்து தாலிபான்களால் சுடப்பட்டு மறுஜென்மம் எடுத்த பாகிஸ்தான் சிறுமி மலாலா யூசுப்சாயின்(16) பெயரும் இந்த பட்டியலில் இடம்பெற்றுள்ளது. மலாலாவின் பெயர் அமைதிக்கான நோபல் பரிசுக்கு பரிந்துரைக்கப்பட்டது என்பது குறிப்பிடத்தக்கது.
ஜஸ்டின் பீபர்
கனடாவைச் சேர்ந்த பாப் பாடகரான 19 வயது ஜஸ்டீன் பீபரும் இந்த பட்டியலில் இடம் பிடித்துள்ளார். அவரது சொத்து மதிப்பு 58 மில்லியன் அமெரிக்க டாலர்களாகும். அவர் தனது 15வது வயதில் சோலோ பாடலை வெளியிட்டார்.
லிடியா கோ
தென் கொரியாவில் பிறந்த நியூசிலாந்து கோல்ப் வீராங்கனை லிடியா கோ(16) பல எல்பிஜிஏ(லேடீஸ் புரபஷனல் கோல்ப் அசோசியேஷன்) பட்டங்களை வென்றுள்ளார். புரபஷனல் கோல்ப் டூரில் பட்டம் வென்ற இளம் வீராங்கனை கோ. மேலும் எல்பிஜிஏ போட்டியில் பட்டம் வென்ற இளம் வீராங்கனையும் கோ தான். அவரின் பெயரும் உலகின் மிகவும் செல்வாக்குமிக்க டீனேஜர்களின் பட்டியலில் உள்ளது.
Click it and Unblock the Notifications
Sign in with Google