ஹிலாரி அமெரிக்காவின் சிறந்த அதிபராக விளக்குவார்... ஒபாமா நம்பிக்கை
வாஷிங்டன்: அமெரிக்காவின் புதிய அதிபராகும் வாய்ப்பு ஹிலாரி கிளிண்டனுக்கு உள்ளதாக தற்போதைய அதிபர் ஒபாமா நம்பிக்கைத் தெரிவித்துள்ளார்.
அமெரிக்காவில் ஒருவர் இரண்டுமுறைக்கு மேல் தொடர்ந்து அதிபர் பதவி வகிக்க முடியாது. தேர்தலிலும் நிற்க முடியாது. தற்போதைய அமெரிக்க அதிபர் ஒபாமா, 2வது முறையாக அதிபராக பதவி வகித்து வருகிறார். விரைவில் அவரது பதவிக்காலம் முடிவடைய இருக்கிறது.
எனவே, அமெரிக்காவில் அடுத்தாண்டு அதிபர் தேர்தல் அடுத்தாண்டு நடைபெறவுள்ளது. தேர்தலை சந்திக்க குடியரசு மற்றும் ஜனநாயக கட்சியினர் தயாராகி வருகின்றனர். அதிபர் தேர்தலில் போட்டியிட இரு கட்சிகளைச் சேர்ந்த முக்கிய பிரமுகர்கள் பலர் ஆர்வம் காட்டி வருகின்றனர்.
அமெரிக்காவை பொருத்தவரை முதலில் கட்சிக்குள் தேர்தல் நடத்தப் படும். அதில் வெற்றி பெறுபவரே அதிபர் வேட்பாளராக அறிவிக்கப்படுவார். ஜனநாயக கட்சியில் முன்னாள் அதிபர் கிளிண்டனின் மனைவி ஹிலாரிக்கு அதிக செல்வாக்கு உள்ளது. எனவே, அவர் அக்கட்சியின் அதிபர் வேட்பாளராக அறிவிக்கப் படுவார் என எதிர்பார்க்கப் படுகிறது.
அதிகாரப்பூர்வ அறிவிப்பிற்குப் பின் ஹிலாரி தீவிர பிரச்சாரத்தில் ஈடுபடுவார் எனத் தெரிகிறது. தேர்தலில் வெற்றிபெறும் பட்சத்தில் அமெரிக்காவின் முதல் பெண் அதிபர் என்ற பெருமையையும் ஹிலாரி பெறுவார்.
.
இந்நிலையில், ஹிலாரி அதிபர் தேர்தலில் வெற்றி பெற்றால், அமெரிக்காவின் சிறந்த அதிபராக விளங்குவார் என ஒபாமா நம்பிக்கைத் தெரிவித்துள்ளார். இது தொடர்பாக மேலும் அவர் கூறுகையில், ‘அதிபர் தேர்தலில் போட்டியிடும் ஹிலாரிக்கு எனது முழு ஆதரவு உண்டு. சிறந்த நிர்வாகியாக திறம்பட செயல்பட்டுள்ளார். அவர் என்னுடைய நண்பர். ஹிலாரி சிறந்த அதிபராக விளங்குவார்' என்றார்.
67 வயதான ஹிலாரி, செனடராகவும், வெளியுறவுத்துறை அமைச்சராகவும் திறம்பட செயல்பட்டுள்ளார். கடந்த முறை அதிபர் தேர்தல் வேட்பாளர் தேர்வுக்கான போட்டியில் குறைந்த ஓட்டில் தோல்வியை ஹிலாரி தழுவினார் என்பது குறிப்பிடத்தக்கது.
Click it and Unblock the Notifications
Sign in with Google