வெள்ளை மாளிகையின் வெளியே நிர்வாண போராட்டம் நடத்திய நபர்
அமெரிக்க அதிபர் பராக் ஒபாமாவின் அதிகாரப்பூர்வ இல்லமான வாஷிங்டன் வெள்ளை மாளிகையின் வாசலில் திடீரென்று நிர்வாணக் கோலத்துக்குச் சென்ற மனிதனால் பெரும் பரபரப்பு ஏற்பட்டது.
அமெரிக்காவின் வீட்டு வசதி சங்கத்தின் செயலாளராக தேர்வு செய்யப்பட்ட நபரின் பெயரை அறிவிக்க வெள்ளியன்று பத்திரிகையாளர்கள் கூட்டத்தை ஒபாமா கூட்டியிருந்தார். அப்போது வெள்ளை மாளிகையின் முன்வாசலில் நின்றிருந்த ஒருவர், திடீரென்று தனது ஆடைகளை எல்லாம் கழற்றிப் போட்டுவிட்டு முழு நிர்வாணமாக நின்றார்.
இதைக் கண்டு அதிர்ச்சியடைந்த பலர் ஓட்டம் பிடித்தனர். சிலர் மட்டும் அந்த காட்சியை தங்களது செல்போனில் ஆர்வத்துடன் படம் பிடிக்க தொடங்கினர். இதனையடுத்து, விரைந்தோடி வந்த ரகசிய போலீசார், அந்த இடத்தைவிட்டு சென்றுவிடும்படி அந்த நபரை எச்சரித்தனர்.
அந்த எச்சரிக்கையை அந்த ஆசாமி பொருட்படுத்தாததால், ஒரு போர்வையை அவர் மீது போர்த்தி வலுக்கட்டாயமாக அவரை போலீஸ் வேனில் ஏற்றிச் சென்றனர்.
Click it and Unblock the Notifications
Sign in with Google