ஆத்தி.. இந்த டாய்லெட்டுல நிம்மதியா உட்காரக்கூட முடியாதே.. பிறகு எதுக்கு இம்புட்டு செலவு?
பீஜியிங்: சீனாவில் அறிமுகப்படுத்தப்பட்ட 40,000க்கும் அதிகமான வைரங்கள் பதிக்கப்பட்ட தங்கத்தினால் ஆன டாய்லெட்டின் புகைப்படம் சமூக வலைதளங்களில் வைரலாகியுள்ளது.
சீனாவின் ஷாங்காய் நகரில் சர்வதேச இறக்குமதி கண்காட்சி நடைபெற்று வருகிறது. அதில் அறிமுகப்படுத்தப்பட்டுள்ள இந்த டாய்லெட்டின் புகைப்படம் வெளியாகி அனைவரையும் ஆச்சரிப்பட வைத்துள்ளது.
ஹாங்காங்கில் இயங்கி வரும் கரோனெட் எனும் நகை தயாரிப்பு நிறுவனம் தான் இந்த விலைமதிப்பு மிக்க கழிப்பிடத்தை உருவாக்கி உள்ளது. இந்த டாய்லெட்டின் மேல் இருக்கையில், 400815 வைரங்கள் பதிக்கப்பட்டுள்ளன. வைரங்களின் மொத்த எடை 334.68 காரட் ஆகும்.
இந்த டாய்லெட் முழுவதும் தங்கத்தால் செய்யப்பட்டுள்ளது. மேலும் குண்டு துளைக்காத வகையில் இந்த டாய்லெட் உருவாக்கப்பட்டுள்ளது. இந்த டாய்லெட் கின்னஸ் சாதனைக்காக தயாரிக்கப்பட்டுள்ளது.
இந்த தங்க டாய்லெட்டின் மதிப்பு ரூ.9 கோடியாம். ஆனால் இந்த டாய்லெட்டை விற்பனைக்கு வைக்க, கரோனெட் நிறுவனம் தயாராக இல்லை.
இந்த தங்க மற்றும் வைர டாய்லெட் புகைப்படம் சமூக வலைதளங்களில் வைரலாக பரவி வருகிறது.
Click it and Unblock the Notifications
Sign in with Google