தலைகீழாகத்தான் குதிப்பேன்.. பிரதமர் மோடிக்காக 13,000 அடி உயரத்திலிருந்து குதித்த பெண்! -வீடியோ
பிரதமர் மோடிக்கு வாழ்த்து சொல்வதற்காக பெண் ஒருவர் விமானத்தில் சென்று 13,000 அடி உயரத்தில் இருந்து குதித்துள்ளார்.
சிகாகோ: பிரதமர் மோடிக்கு பிறந்த நாள் வாழ்த்து சொல்வதற்காக பெண் ஒருவர் விமானத்தில் சென்று 13,000 அடி உயரத்தில் இருந்து குதித்துள்ளார்.
பிரதமர் நரேந்திர மோடி நேற்று தனது 68-வது பிறந்த நாளை கொண்டாடினார். இதற்காக அவர் வாரணாசி சென்று இருந்தார்.
அவரது பிறந்த நாளுக்கு பெரிய அளவில் ஏற்பாடுகள் செய்யப்பட்டு இருந்தது. உலகம் முழுக்கவிருந்து இவருக்கு வாழ்த்துகள் குவிந்தது.
|
எப்படி வாழ்த்தினார்
இந்த நிலையில் பிரதமர் மோடிக்கு வாழ்த்து சொல்வதற்காக பெண் ஒருவர் விமானத்தில் சென்று 13,000 அடி உயரத்தில் இருந்து குதித்துள்ளார். இவர் பெயர் ஷீதல் மஹாஜன். இவர் இந்தியாவின் மிகவும் திறமையான ஸ்கை டைவர்களில் ஒருவர்.
வாழ்த்து தெரிவித்துள்ளார்
இவர் 13,000 அடி உயரத்தில் இருந்து குதித்தார். இந்திய கொடி நிறத்தில் உடை அணிந்து கொண்டு குதித்தார். அமெரிக்காவின் சிகாகோவில் அவர் இந்த சாதனையை செய்தார். பிரதமர் மோடிக்கு பிறந்த நாள் வாழ்த்து சொல்லும்படி கையில் ஒரு பேப்பர் வைத்து இருந்தார்.
பெரிய வைரல்
இந்த புகைப்படம் இணையம் முழுக்க வைரலாகி உள்ளது. இதை பிரதமர் மோடி பார்த்தாரா என்பது குறித்து இன்னும் தகவல் வெளியாகவில்லை. பலர் இவரின் திறமையை பாராட்டி வருகிறார்கள். இது வீடியோவாக வெளியாகி உள்ளது.
|
யார் இவர்
மும்பையை சேர்ந்த இவர் ஏற்கனவே இது போல் சாதனை செய்துள்ளார். ஏற்கனவே இவர் பட்டுப்புடவை கட்டிக்கொண்டு 13 ஆயிரம் அடி உயரத்தில் இருந்து குதித்துள்ளார். இவர் பத்ம ஸ்ரீ விருது வாங்கியவர் என்பது குறிப்பிடத்தக்கது.
Click it and Unblock the Notifications
Sign in with Google