2 கால்பந்து மைதான அளவிற்கு விமானம்.. ராக்கெட் அனுப்ப புதிய தொழில்நுட்பம்.. கலிபோர்னியாவில் சாதனை

By Shyamsundar

Updated: Wednesday, March 7, 2018, 16:15 [IST]

Subscribe to Oneindia Tamil

Recommended Video

உலகிலேயே மிகப்பெரிய விமானம்-வீடியோ

கலிபோர்னியா: உலகிலேயே பெரிய விமானம் கலிபோர்னியாவில் வடிவமைக்கப்பட்டு இருக்கிறது. மைக்ரோசாப்ட் நிறுவனர்களில் ஒருவரான பால் ஆலன் என்பவரின் நிறுவனம் இந்த விமானத்தை வடிவமைத்து இருக்கிறது.

நீண்ட நாட்களுக்கு பின் இவரது நிறுவனம் மீண்டும் விமான தயாரிப்பில் இறங்கி இருக்கிறது. ஆனால் இந்த விமானம் பயணிகள் பயணிப்பதற்கு இல்லை என்பதுதான் இதில் சிறப்பம்சம்.

பல முக்கிய காரணங்களுக்காக இந்த விமானம் இப்போது உருவாக்கப்பட்டு இருக்கிறது. இதற்காக ஸ்டர்டோ லான்ச் என்ற தொழில்நுட்பம் உருவாக்கப்பட்டு இருக்கிறது.

பெரிது

இந்த விமானம் இரண்டு பெரிய கால்பந்து மைதான அளவிற்கு இருக்கும். இதில் ஒரு விமான வடிவமைப்பிற்கு பதிலாக இரண்டு விமானங்கள் இணைத்து போன்ற அமைப்பில் இருக்கும். 6 என்ஜின்கள் இருக்கும். ஆனால் இதன் திறன் 12 என்ஜின்கள் அளவிற்கு இருக்கும்.

ஏன் செய்கிறார்கள்

இதன் நடுவில் மூன்று ராக்கெட்டுகளை வைக்க முடியும். அதன் மூலம் இந்த ராக்கெட்டுகளை விண்ணில் ஏவ முடியும். இரண்டு விமானத்திற்கும் இடையில் உள்ள பகுதியில் இந்த மூன்று ராக்கெட்டுகளை பொறுத்து வைத்து விண்ணில் ஏவ முடியும்.

எப்படி நடக்கும்

இந்த ராக்கெட்டுகளை சுமந்து கொண்டு இந்த விமானம் விண்ணில் செல்லும். விண்ணில் குறிப்பிட்ட உயரம் சென்ற பின் இந்த ராக்கெட் வெளியே விடப்படும். பின் அது ஆன் செய்யப்பட்டு அங்கிருந்து பூமியைவிட்டு வெளியே செல்லும். இதன் மூலம் குறைவான செலவில் விண்ணில் சாட்டிலைட்களை ஏவ முடியும்.

இன்னும் இருக்கிறது

இதன் முதற்கட்ட சோதனை இப்போது முடிந்து இருக்கிறது. இது வெளியே எடுத்து வரப்பட்டு வேகமாக இயங்க வைக்கப்பட்டு சோதனை செய்யப்பட்டது. இதன் உண்மையான பணி சாட்டிலைட் ஏவுவது மட்டுமல்ல என்றும் நிறைய பணிகள் இதற்கு இருக்கிறது என்றும் கூறப்பட்டுள்ளது.