தெலுங்கானா எபெக்ட் போல.. கலிபோர்னியாவை 6 மாநிலங்களாக பிரிக்க கோரிக்கை
லாஸ் ஏஞ்சல்ஸ்: சிலிக்கான்வேலி என்றழைக்கப்படும் அமெரிக்காவின் கலிஃபோர்னியா மாநிலத்தை 6 மாநிலங்களாக பிரிக்க வேண்டும் என்று கோரிக்கை எழுந்துள்ளது.
அமெரிக்காவின் மிகப் பெரிய மாநிலம் கலிஃபோர்னியா. மொத்தம் 38 மில்லியன் மக்கள் இம்மாநிலத்தில் வசிக்கின்றனர். இதன் மிகப் பெரிய நகரம் லாஸ் ஏஞ்சல்ஸ்.
அமெரிக்காவுக்கு மிகப் பெரிய அளவில் வருமானத்தை தரக்கூடிய சாப்ட்வேர் நிறுவனங்கள் நிறைந்து கிடக்கும் 'சிலிக்கான்வேலி' என்ற பெருமைக்குரிய இந்த கலிஃபோர்னியாவை பல சிறிய மாநிலங்களாக பிரிக்க வேண்டும் என்று அவ்வப்போது கோரிக்கை எழுவது வாடிக்கை.
6 மாநிலங்களாக..
தற்போது இந்த மாநிலத்தை 6 சிறிய மாநிலங்களாக பிரிக்க வேண்டும் என்ற கோரிக்கையை முன்வைத்து கையெழுத்து இயக்கத்தை நடத்தி வருகிறார் சிலிக்கான்வேலி முதலீட்டாளர்களில் ஒருவரான டிம் ட்ராபெர். இது குறித்து அவர் கருத்து தெரிவிக்கையில், கலிஃபோர்னியாவை பிரிக்காவிட்டால் மிகவும் மோசமான நிலையை அடைய நேரிடும். ஒருகட்டத்தில் கலிஃபோர்னியாவே செயலற்று போகும் என்று கூறியுள்ளார்.
சிலிக்கான்வேலி
ட்ராபெர் முன்வைக்கும் 6 புதிய மாநிலங்கள் எப்படி இருக்க வேண்டுமாம் தெரியுமா? சிலிக்கான்வேலி என்ற பெயரில் ஒரு மாநிலம். இதில் ஆப்பிள், கூகுள் போன்ற எண்ணற்ற சாப்ட்வேர் நிறுவனங்கள் இயங்கி வரும் சான் பிரான்சிஸ்கோ மற்றும் சான் ஜோஸ் ஆகிய பகுதிகள் இணைக்கப்படும்.
தெற்கு, வடக்கு கலிஃபோர்னியா
ட்ராபெர் வாழும் ஆதெர்டனை உள்ளடக்கி ஒரு சிறுமாநிலம் ஒன்றும் உருவாக வேண்டுமாம். தெற்கு கலிஃபோர்னியா என்ற ஒரு மாநிலத்தை உருவாக்கி அதில் சாண்டிகோ மற்றும் ஆரஞ்ச் கவுன்டி பகுதிகளை சேர்க்க வேண்டும்.
மேற்கு கலிஃபோர்னியா
மேற்கு கலிபோர்னியாவில் லாஸ் ஏஞ்சல்ஸ் மற்றும் சான்டா பார்பரா ஆகியவை இடம்பெற வேண்டும். மத்திய கலிபோர்னியாவில் ஃப்ரெஸ்நோ மற்றும் ஸ்டாக்டன் ஆகியவை இடம் பெறுமாம். வடக்கு கலிபோர்னியாவில் தற்போதைய தலைநகர் சாக்ரமென்டோ இருக்குமாம்.
கையெழுத்து இயக்கம்
இந்த புதிய மாநில பிரிவினைக்கான கையெழுத்து இயக்கத்தை ஜூலை மாதத்துக்குள் நிறைவு செயய்வும் ட்ராபெர் திட்டமிட்டிருக்கிறாராம்.
இந்தியாவின் தெலுங்கானா தாக்கம் ஏழு கடல்தாண்டி போய்விட்டதோ?
Click it and Unblock the Notifications
Sign in with Google