அமெரிக்காவில் "பீச்"சில் தரையிறங்கிய விமானம்: வாக்கிங் போன தந்தை பலி - மகள் படுகாயம்

மியாமி: அமெரிக்காவின் புளோரிடா மாகாணத்தில் நேற்று ஒரு விமானம் அவசரமாக கடற்கரையில் தரையிற்ங்கும் நிலை ஏற்பட்டது. இதில் கடற்கரையில் வாக்கிங் போய்க் கொண்டிருந்த ஒருவர் பரிதாபமாக உயிரிழந்தார். அவரது மகள் படுகாயமடைந்து மருத்துவமனையில் சேர்க்கப்பட்டுள்ளார்.

விபத்துக்குள்ளானது, 1972 பைப்பர் செரோக்கி ரக சிறிய விமானமாகும். இந்த, விபத்தில் விமானிக்கோ அதில் இருந்தவர்களுக்கோ பாதிப்பு ஏதும் இல்லை என்று சரசோட்டா கவுண்டி செரிப் அலுவலகத்தின் வெண்டி ரோஸ் தெரிவித்துள்ளார்.

இவ்விபத்தில் பலியானவர் தன்னுடைய மகளுடன் கடற்கரையில் நடைப்பயிற்சியில் ஈடுபட்டிருந்தார். அப்போது அந்த விமானம் அவசரமாக கடற்கரையில் தரை இறங்கியது. அதில் சிக்கிய தந்தை பரிதாபமாக உயிரிழந்தார்.

அவரது பெண் குழந்தை படுகாயமடைந்த நிலையில் பீட்டர்ஸ்பெர்கில் உள்ள குழந்தைகள் நல மருத்துவமனையில் அனுமதிக்கப்பட்டுள்ளது. ஆபத்தான நிலையில் அனுமதிக்கப்பட்டுள்ள அக்குழந்தைக்கு தீவிர சிகிச்சை அளிக்கப்பட்டு வருகிறது.

சம்பந்தப்பட்ட விமானத்தில் ஏதோ பிரச்சினை ஏற்பட்டுள்ளது. இதையடுத்து வெனிஸ் விமான நிலைய அதிகாரிகள், சரசோட்டா அலுவலகத்தை தொடர்பு கொண்டு விமானத்தின் அவசர நிலையை தெரிவித்து கடற்கரையில் தரையிறக்க கோரிக்கை விடுத்துள்ளனர். இதையடுத்து கடற்கரையில் விமானத்தை இறக்க அனுமதி தரப்பட்டது.

ஆனால் அந்த சமயத்தில் கீழே இந்த இருவரும் நடைப்பயிற்சியில் ஈடுபட்டு சிக்கிக் கொண்டனர்

English summary

A small plane crash-landed on a beach in the US state of Florida on Sunday, killing a father and critically injuring his young daughter, authorities said on Sunday.