தம்பி.. கூட 40 டாலர் வச்சிருக்கேன்.. என்ஜாய்.. அமெரிக்க இளைஞருக்கு ஸ்வீட் ஷாக்!
Recommended Video
லாஸ் வேகாஸ் : அமெரிக்காவில் விமானத்தில் பணப்பையை இழந்தவருக்கு, கூடுதல் பணத்துடன் பணப்பை வீட்டிற்கே வந்த சம்பவம் நடந்துள்ளது.
20 வயதான ஹன்டர் ஸ்மாட் என்ற இளைஞர், தனது தங்கையின் திருமணத்திற்காக ஒமாஹாவிலிருந்து லாஸ் வேகாஸ்க்கு விமானத்தில் பறந்து சென்றார். விமான நிலையம் வந்து, அடையாள அட்டையை தேடிய போது பணப்பை காணவில்லை என்பது தெரியவந்தது. இதுகுறித்து விமான நிலைய அதிகாரிகளிடம் புகார் தெரிவித்து விட்டு, ஒரு மணி விசாரணைக்குப் பின்னர் தனது பெற்றோருடன் வீடு திரும்பினார்.
இந்த நிலையில் ஹன்டரின் வீட்டுக்கு ஒரு பார்சல் வந்தது. அதை பிரித்து பார்த்த போது ஹன்டருக்கு இன்ப அதிர்ச்சியாக அமைந்தது. ஆமாம், அவர் இழந்த பணப்பை அதில் இருந்தது. அதை விட அவர் வைத்திருந்த பணத்துடன் சேர்த்து கூடுதலாக பணம் இருந்தது. அதில் ஒரு கடிதமும் இருந்தது. அதில், விமானத்தில் 12 வது வரிசை இருக்கையின் ஜன்னல் ஓரம் இந்த பணப்பை கிடந்தது. இது மீண்டும் திரும்ப கிடைக்க வேண்டும் என்று எண்ணிக்கொண்டு இருப்பீர்கள். நீங்கள் வைத்திருந்த பணத்தோடு கூடுதலாக 40 டாலர்கள் சேர்த்து, 100 டாலர் பணம் வைத்துள்ளேன். மகிழ்ச்சியாக கொண்டாடுங்கள். "எல்லாம் நன்மைகே" என்று குறிப்பிடபட்டிருந்தது.
இந்த தகவலை ஹண்டரின் தாயான ஜீனியா தனது முகநூலில் பகிர்ந்து இருந்தார். அதில், ஐந்து குழந்தைகளுக்கு அப்பாவான ஒமாஹாவைச் சேர்ந்த டாட் பிரவுன் என்பவர், இழந்த பணப்பையை மீண்டும் தங்களிடம் சேர்த்து இன்ப அதிர்ச்சியை அளித்துள்ளார் என்று குறிப்பிட்டிருந்தார். அது வைரலாக பரவியது. மேலும் அந்த பதிவை 3,500 க்கும் மேற்பட்டோர் பகிர்ந்து இருந்தனர். 6 ஆயிரத்திற்கும் மேலான லைக்குகளை அள்ளியது.
Click it and Unblock the Notifications
Sign in with Google