PM Modi: மலேசியாவில் திருமறை பக்தி பாடல்களை பாராயணம் செய்த மாணவர் குழு.. மனமுருகி கேட்டு ரசித்த பிரதமர் மோடி

கோலாலம்பூர்: மலேசியா சென்ற பிரதமர் மோடிக்கு உற்சாக வரவேற்பு அளிக்கப்பட்டது. மேலும் மோடியை 800 நடன கலைஞர்கள் நடனமாடி வரவேற்றனர். தொடர்ந்து மலேசிய இந்து சங்கத்தை சேர்ந்த மாணவர் குழுவினர் திருமுறை பக்திப் பாடல்களைப் பாராயணம் செய்தனர். அதை பிரதமர் மோடியும் மனமுருகி கேட்டு ரசித்தார். பின்னர் இது குறித்து மோடி தமிழில் ட்வீட் பதிவிட்டுள்ளார்.

பிரதமர் மோடி இரண்டு நாள் அரசு முறைப் பயணமாக மலேசியா சென்றுள்ளார். மலேசியாவில் பல்வேறு நிகழ்ச்சிகளில் பிரதமர் மோடி தொடர்ச்சியாக பங்கேற்றுள்ளார். தலைநகர் கோலாலம்பூரில் வசித்து வரும் இந்தியர்கள் ஏற்பாடு செய்திருந்த நிகழ்ச்சி ஒன்றில் மலேசிய பிரதமர் அன்வர் இப்ராகிமுடன் இணைந்து பங்கேற்றார்.

மலேசியாவில் பிரதமர் மோடி

உலக அளவில் இந்திய வம்சாவளியினர் அதிகம் வசிக்கும் நாடுகளில் 2-வது இடத்தில் மலேசியா உள்ளது. அதில் பெரும்பாலானவர்கள் தமிழர்கள் ஆவர். எனவே இந்த நிகழ்ச்சியில் தமிழ் உள்பட பல்வேறு இந்திய மொழிகளில் வாழ்த்துக்கூறி பிரதமர் மோடி தனது உரையை தொடங்கினார். அப்போது தமிழ் மொழியை அவர் வெகுவாக பாராட்டினார்.

மேலும் மலேசிய பிரதமர் அன்வர் இப்ராகிமின் பாடும் திறன், குறிப்பாக எம்.ஜி.ஆர். திரைப்பட பாடல்கள் மீதான அவரது நேசத்தையும் புகழ்ந்துரைத்தார். முன்னதாக பிரதமர் மோடியை 800 நடன கலைஞர்கள் நடனமாடி வரவேற்றனர். இந்திய பாரம்பரிய மற்றும் நாட்டுப்புற நடனங்களை அரங்கேற்றினர்.

குறிப்பாக பரதநாட்டியம், கதகளி, குச்சிப்புடி, ஒடிசி உள்ளிட்ட நடனங்களை ஆடி மகிழ்வித்தனர். பின்னர் இந்த நடன நிகழ்ச்சி மலேசிய சாதனைப் புத்தகத்தில் இடம் பெற்றதாக அறிவிக்கப்பட்டது. இந்த நிகழ்ச்சிக்காக பிரதமர் மோடியும், மலேசிய பிரதமர் அன்வர் இப்ராகிமும் ஒரே காரில் சென்றனர்.

பிரதமர் மோடி தமிழில் ட்வீட்

அவர்கள் ஒன்றாக மேடையேறியபோது 'பாரத் மாதா கி ஜே', 'மோடி, மோடி' என கூட்டத்தினர் ஆர்ப்பரித்தனர். அதன்பிறகு நிகழ்ச்சி ஒன்றில் மலேசிய இந்து சங்கத்தைச் சேர்ந்த மாணவர் குழுவினர் திருமுறை பக்திப் பாடல்களைப் பாராயணம் செய்தனர். அதை பிரதமர் மோடி மனமுருகி கேட்டு ரசித்தார்.

மலேசிய இந்து சங்கத்தைச் சேர்ந்த மாணவர் குழுவினர் திருமுறை பக்திப் பாடல்களைப் பாராயணம் செய்தனர். மலேசியாவில் உள்ள தமிழ்ச் சமூகம் தங்களின் பாரம்பரியத்தைக் கடந்த பல ஆண்டுகளாகப் பாதுகாத்து, பிரபலப்படுத்தி வருவது பாராட்டத்தக்கது. pic.twitter.com/ABWq6DKf7m

— Narendra Modi (@narendramodi) February 7, 2026

இது தொடர்பான வீடியோவை தனது எக்ஸ் தளத்தில் மோடி பதிவிட்டுள்ளர். பிரதமர் மோடி அந்த பதிவில் கூறியிருப்பதாவது:- "மலேசிய இந்து சங்கத்தைச் சேர்ந்த மாணவர் குழுவினர் திருமுறை பக்திப் பாடல்களைப் பாராயணம் செய்தனர். மலேசியாவில் உள்ள தமிழ்ச் சமூகம் தங்களின் பாரம்பரியத்தைக் கடந்த பல ஆண்டுகளாகப் பாதுகாத்து, பிரபலப்படுத்தி வருவது பாராட்டத்தக்கது" என்று பதிவிட்டுள்ளார்.

English summary

PM Modi: During his visit to Malaysia, Prime Minister Narendra Modi received a grand and enthusiastic welcome, including a performance by 800 dancers. Students from the Malaysian Hindu Sangam later recited Thirumurai devotional hymns, which Modi listened to with deep emotion. He later shared his appreciation in a Tamil tweet.