கஜகஸ்தானில் பிரதமர் மோடி- அதிபருக்கு ஆன்மீக நூல்கள் பரிசளிப்பு!!

அஸ்தானா: கஜகஸ்தான் சென்றுள்ள பிரதமர் நரேந்திர மோடி அந்நாட்டு பிரதமர் கரீம் மோசிமோவ், அதிபர் நூர்சுல்தான் நஜார்பாயே ஆகியோரை சந்தித்து இரு தரப்பு உறவுகள் குறித்து பேச்சுவார்த்தை நடத்தினார்.

உஸ்பெகிஸ்தான் பயணத்தை முடித்து, கஜகஸ்தான் சென்றடைந்த பிரதமர் மோடிக்கு அந்நாட்டு தலைநகர் அஸ்தானா விமான நிலையத்தில் உற்சாக வரவேற்பு அளிக்கப்பட்டது.

கஜகஸ்தான் பிரதமர் கரீம் மோசிமோவ் நேரில் சென்று பிரதமர் மோடியை வரவேற்றார். இதனைத் தொடர்ந்து இரு தலைவர்களும் சந்தித்து இருநாட்டு உறவுகள் பற்றி ஆலோசனை நடத்தினர்.

இதனைத் தொடர்ந்து இன்று கஜகஸ்தான் அதிபர் நூர்சுல்தான் நஜார்பாயேவை பிரதமர் மோடி சந்தித்து பேசினார். இச்சந்திப்பின் போது இந்திய ஆன்மீகத் தலைவர்களின் நூல்களை பரிசாக மோடி அளித்தார்.

கஜகஸ்தான் பயணத்தை நிறைவு செய்துவிட்டு ரஷ்யாவின் உஃபா நகருக்கு பிரதமர் மோடி செல்கிறார். அங்கு பிரிக்ஸ் மற்றும் சாங்காய் ஒத்துழைப்பு அமைப்பின் மாநாடுகளில் அவர் பங்கேற்க உள்ளார்.

English summary

Prime Minister Narendra Modi today met Kazakhstan President Nursultan Nazarbayev in Astana .