டெக்சாஸ் தெருக்களில் பைக் ஓட்ட தடை: ஹார்லி ஷோரூம் மூடல்
வாக்கோ: டெக்சாஸில் பைக் ரேசிங் குழுக்களுக்கு இடையே நடந்த துப்பாக்கிச்சூட்டில் 9 பேர் பலியாகினர். இதையடுத்து டெக்சாஸ் தெருக்களில் பைக் ஓட்டுவதற்கு போலீசார் தற்காலிகமாக தடை விதித்துள்ளனர்.
அமெரிக்காவின் டெக்சாஸ் மாநிலத்தில் உள்ள வாக்கோ நகரில் இருக்கும் ட்வின் பீக்ஸ் உணவகத்திற்கு வெளியே பைக் ரேசிங் குழுக்களுக்கு இடையே கடும் மோதல் ஏற்பட்டது. அப்போது நடந்த துப்பாக்கிச்சூட்டில் 9 பேர் பலியாகினர், 18 பேர் காயம் அடைந்தனர். இதையடுத்து போலீசார் பைக் ரேசிங் குழுக்களைச் சேர்ந்த 170 பேர் மீது வழக்குப்பதிவு செய்துள்ளனர்.
இதையடுத்து டெக்சாஸ் தெருக்களில் பைக் ஓட்ட போலீசார் தடை விதித்துள்ளனர். யார் விதிகளை மதிப்பவர்கள், யார் விதிகளை மீறி நடப்பவர்கள் என்பதை தெரிந்து கொள்ள முடியாததால் டெக்சாஸில் பைக் ஓட்ட தடை விதிக்கப்பட்டுள்ளது.
இதற்கிடையே துப்பாக்கிச்சூடு நடந்த இடத்திற்கு அருகே உள்ள ஹார்லி டேவிட்சன் பைக் ஷோரூம் போலீசாரின் வேண்டுகோளுக்கு இணங்க மூடப்பட்டுள்ளது. ஷோரூமை எப்பொழுது திறந்தால் அது பாதுகாப்பாக இருக்கும் என்பது குறித்து போலீசாருடன் ஆலோசித்து வருவதாக ஹார்லி டேவிட்சன் சார்பில் தெரிவிக்கப்பட்டுள்ளது.
துப்பாக்கிச்சூட்டில் ஈடுபட்ட குழுக்களில் ஒன்றான பான்டிடோஸ் போதைப் பொருளை தயாரித்து விற்பனை செய்து வரும் சட்டவிரோத கும்பல் என்று அமெரிக்க நீதித் துறை தெரிவித்துள்ளது.
Click it and Unblock the Notifications
Sign in with Google