உணவுப் பொருள் "ஹூம்மூஸ்" என்பதை "ஹமாஸ்" என உச்சரித்தார் பிரணாப்? அதிர்ந்த இஸ்ரேல் எம்.பி.க்கள்

டெல் அவிவ்: இஸ்ரேலிய நாடாளுமன்றத்தில் ஜனாதிபதி பிரணாப் முகர்ஜி உரையாற்றுகையில் அரேபிய உணவுப் பொருட்களில் ஒன்றான் ஹூம்முஸ் பெயரை உச்சரித்தபோது அது பாலஸ்தீன போராளி குழுவான "ஹமாஸ்" பெயரை சொல்கிறாரோ என அந்நாட்டு எம்.பி.க்கள் அதிர்ந்து போன சம்பவம் நிகழ்ந்துள்ளது.

ஜோர்டான், பாலஸ்தீனம் நாடுகளுக்கு சுற்றுப் பயணம் மேற்கொண்டுள்ள ஜனாதிபதி பிரணாப் முகர்ஜி நேற்று இஸ்ரேல் நாடாளுமன்றத்தில் உரையாற்றினார்.

அப்போது அரேபிய உணவுப் பொருட்களில் ஒன்றான ஹூம்முஸை இந்தியர்கள் விரும்பி உண்பதாக குறிப்பிட்டு பேசினார் பிரணாப் முகர்ஜி.

ஆனால் ஜனாதிபதி பிரணாப் ஹூம்முஸ் என்பதை வங்கமொழியில் உச்சரித்தது இஸ்ரேலிய எம்.பி.க்கள் காதில் 'ஹமாஸ்' என கேட்டுள்ளது.

ஹமாஸ் என்பது இஸ்ரேலின் பரம வைரியான பாலஸ்தீன போராளிக் குழு... இதனால் ஒரு கணம் திகைத்த இஸ்ரேல் எம்.பி.க்கள் பின்னர் "ஹூம்முஸ்"தான் அது என புரிந்து கொண்டனர்.

இஸ்ரேல் நாட்டுக்கு பயணம் மேற்கொண்ட முதலாவது இந்திய ஜனாதிபதி பிரணாப் முகர்ஜி என்பது குறிப்பிடத்தக்கது.

English summary

Addressing the Israeli Parliament in Jerusalem, President Mukherjee remarked that the Indian population "enjoys the taste of hummus," which is an Israeli favourite. He pronounced it like "Hamas", which had Israeli politicians looking at each other for a moment.