அடடா, அவர் "பாஸ்கர்" இல்லையா, "பாண்டியா"... ?.. 'வேற' கேமரூனை 'பாலோ' செய்யும் ஒபாமா!
லண்டன்: அமெரிக்க அதிபர் பராக் ஒபாமா, அன்புச் சகோதரா என்று என்னதான் இங்கிலாந்து பிரதமர் டேவிட் கேமரூனை வாயாராக் கூறி மகிழ்ந்தாலும், நிஜத்தில் ஒரு குழப்பத்தை அரங்கேற்றியுள்ளார். அதாவது டிவிட்டரில் இங்கிலாந்து பிரதமர் டேவிட் கேமரூனுக்குப் பதில் கம்ப்யூட்டர் கேம்ஸ் ஆடும் இன்னொரு கேமரூனை அவர் பாலோ செய்து கொண்டிருக்கிறாரம்.
@david_cameron இதுதான் கேமரூனின் அதிகாரப்பூரவ டிவிட்டர் ஹேண்டில் ஆகும். ஆனால் ஒபாமாவோ, @davidcameron என்ற ஹேண்டிலைப் பிடித்துக் கொண்டிருக்கிறார். இந்த டேவிட் கேமரூன் அமெரிக்காவின் ஓரிகான் பகுதியைச் சேர்ந்தவர். கம்ப்யூட்டர் கேம்ஸ் பிரியர். இத்தனை நாட்களாக இந்த கேமரூனின் டிவிட்டர் கணக்கைத்தான் ஒபாமா பின் தொடர்ந்து வந்துள்ளார்.
ஆனால் இந்தத் தவறுக்கு ஒபாமா காரணம் அல்ல. மாறாக அவரது டிவிட்டர் கணக்கைப் பார்த்துக் கொண்டிருக்கும் பிரிவுதான் காரணமாம்.
இதைப் படித்தபோது நமக்கு ... தர்மபுரி தேர்தல் பிரசாரத்தின்போது ஒரு வேனுக்குள் வைத்து நடந்த "பாஸ்கர் - பாண்டி" கும்மாங்குத்தான் ஞாபகத்திற்கு வந்தது!
Click it and Unblock the Notifications
Sign in with Google