நைஜீரிய அதிபர் மகள் திருமணம்... 80 புத்தம் புதிய கார்களை மொய் எழுதிய கட்சிக்காரர்கள்!
நைஜர்: நைஜீரிய அதிபரின் மகள் திருமணத்திற்கு எண்பது புதிய கார்கள் நினைவுப் பரிசாக வந்துள்ளதாக அந்நாட்டுப் பத்திரிக்கைகள் தெரிவிக்கின்றன.
கடந்த 5ம் தேதி நைஜீரியா அதிபர் ஜோனாதனின் மகள் பெயித் எலிசபெத் சேக்வி தந்துவின் திருமணம் நடைபெற்றது. எலிசபெத் தனது பள்ளி நண்பரான காட்வெல் ஒசிம் எட்வர்டை காதலித்து மணந்தார்.
இவர்களது திருமணம் அதிபர் வீட்டில் பிரமாண்டமாக நடந்தது. திருமணத்திற்கு நேரில் வந்து வாழ்த்திய பலர் வாழ்த்துக்களோடு விலையுயர்ந்த பரிசுகளையும் மொய்யாக கொடுத்துச் சென்றுள்ளனர்.
புத்தம் புதிய கார்களில் அணிவகுப்பு...
அதிபர் இல்லத் திருமணத்திற்கு வந்திருந்தவர்களில் பெரும்பாலானோர் அவரது கட்சிக் காரர்கள் தானாம். அதிலும், குறிப்பாக எண்பது கட்சிக்காரர்கள் புத்தம் புதிய கார்களில் திருமணத்திற்கு வந்துள்ளனர்.
என்ன பரிசு....
கார்களில் பந்தாவாக வந்திறங்கிய அவர்கள் வெறும் கையை வீசிக் கொண்டு பரிசு எதுவும் கொண்டுவரவில்லை. பின்னர் மணமக்களை வாழ்த்தச் சென்ற போது தான் அவர்களது பரிசு என்னவென்பது திருமணத்திற்கு வந்திருந்த மற்றவர்களுக்கு புரிந்தது.
சாவியைப் பிடிங்க...
மணமக்களை வாழ்த்திய கையோடு தாங்கள் பயணம் செய்து வந்த கார் சாவிகளை மணமக்கள் கைகளில் பரிசாக தந்துள்ளனர் அவர்கள்.
அதிர்ச்சியடைந்த மணப்பெண்....
வரிசையாக இவ்வாறு எண்பது கார்ச் சாவிகள் கைகளில் தரப்பட்டதில் மணப்பெண் எலிசபெத் இன்ப அதிர்ச்சி அடைந்துள்ளாராம்.