9 நாள் சுற்றுப்பயணமாக நவம்பரில் இந்தியா வருகிறார் இளவரசர் சார்லஸ் - கமீலாவுடன்!

Published: Wednesday, October 16, 2013, 13:22 [IST]

Subscribe to Oneindia Tamil

லண்டன்: இங்கிலாந்து இளவரசர் சார்லஸ் தனது மனைவியுடன் வரும் நவம்பர் மாதம் 9 நாள் சுற்றுப் பயணமாக இந்தியா வரத் திட்டமிட்டுள்ளார்.

அடுத்த மாதம் இலங்கையில் நடைபெறும் காமன்வெல்த் நாடுகளின் தலைவர்கள் கூட்டத்தில் இங்கிலாந்து ராணி எலிசபத்தின் சார்பில் அவரது மகனும் பட்டத்து இளவரசருமான சார்லஸ் பங்கேற்க உள்ளார்.

அதற்கு முன்னர் தனது மனைவி கமீலாவுடன் இந்தியா வரத் திட்டமிட்டுள்ளார் இளவரசர் சார்லஸ்.

சுற்றுப்பயணம்....

நவம்பர் 6 முதல் 14ம் தேதி வரை சார்லஸ்-கமீலா தம்பதிகள் இந்தியாவில் சுற்றுப்பயணம் மேற்கொள்ளத் திட்டமிட்டுள்ளனர்.

இந்திய நகரங்கள்....

இந்த 9 நாள் சுற்றுப்பயணத்தின் போது தம்பதியர் டேராடூன், புதுடெல்லி, மும்பை, புனே, கொச்சி ஆகிய நகரங்களை சுற்றிப் பார்க்க ஏற்பாடு செய்யப்பட்டுள்ளது.

அரசியல் தலைவர்களுடன் சந்திப்பு....

சுற்றுப்பயணத்தின் இடையே, இந்தியாவின் பிரபல தொழிலதிபர்கள் மற்றும் அரசியல் கட்சி தலைவர்களையும் சார்லஸ் சந்தித்து பேசுவார் என எதிர்பார்க்கப் படுகிறது.

8வது முறை...

இந்த சுற்றுப்பயணத்தையும் சேர்த்தால், சார்லஸ் இந்தியாவிற்கு வருவது இது 8வது முறை. ஏற்கனவே, கடந்த 2006 மற்றும் 2010ம் ஆண்டுகளில் மனைவி கமீலாவுடன் இந்தியா வந்துள்ளார்.

நினைவு நாள்...

தனது சுற்றுப்பயணத்தின் போது 1918ம் ஆண்டு முடிவுக்கு வந்த முதல் உலகப்போரின் நினைவு ஞாயிற்றுக்கிழமையையும் இங்கேயே அனுசரிக்க சார்லஸ் முடிவு செய்துள்ளார்.