அண்டார்டிகா பயணத்திற்காக ‘உறை பனி அறையில்’ பயிற்சி பெற்ற இளவரசர் ஹரி
லண்டன்: விஷேசமாக வடிவமைகப்பட்ட உறைபனி அறையில் 20 மணி நேரம் தங்கி இருந்தார் இளவரசர் ஹரி. இது நவம்பர் மாதம் அவர் மேற்கொள்ள இருக்கின்ற அண்டார்டிகா பயணத்திற்கான முன்னேற்பாடு நிகழ்ச்சி ஆகும்.
இங்கிலாந்து இளவரசரான சார்லசின் 2வது மகன் 29 வயது ஹரி. இவர் வரும் நவம்பர் மாதம் பூமியின் தென்கோடியான அண்டார்டிகாவுக்கு பயணம் மேற்கொள்ள இருக்கிறார்.
இது ஒரு நன்கொடை திரட்டும் முயற்சி ஆகும். எனவே, உறைபனி கண்டமான அண்டார்டிகாவில் தங்குவதற்கு முன்னோட்டமாக செயற்கையாக அமைக்கப் பட்ட அறைகளில் தங்கி ஹரி பயிற்சி எடுத்துக் கொள்கிறார்.
3 குழுக்கள்....
அண்டார்டிகாவுக்கு ஹரி தலைமையில் ஒரு குழுவும், சுவீடன் நாட்டு நடிகர் அலெக்ஸ்டாண்டர் ஸ்கார்ஸ்கார்ட் தலைமையிலான அமெரிக்கக் குழுவும், ஆங்கில நடிகர் டொமினிக் வெஸ்ட் தலைமையிலான காமென்வெல்த் குழுவும் பயணம் மேற்கொள்ள உள்ளனர்.
208மைல் பயணாதூரம்....
இப்பயணமானது பனி படர்ந்த அண்டார்டிகா கண்டத்தில் 208 மைல் கடினமான பயண தூரத்தை உள்ளடக்கியது ஆகும்.
மைனஸ் 35 டிகிரி செல்சியஸ் குளிர்....
அண்டார்டிகாவில் மிகவும் குளிர் காலமான நவம்பரில் வெப்பநிலை மைனஸ் 35 டிகிரி செல்சியசாக இருப்பதோடு, மணிக்கு 45 மைல் வேகத்தில் குளிர்காற்றும் வீசும் என்பது குறிப்பிடத்தக்கது.
குளிரைத் தாங்கும் திறன்....
ஆதலால், பயணத்தின் போது கடும் குளிரையும், பனிக்காற்றையும் தாங்கும் வகையில் இளவரசர் ஹரி பயிற்சிகள் மேற்கொண்டு வருகிறார். அதில் ஒன்று தான் இந்த உறை பனி அறை.
விஷேச உறைபனி அறை....
இதற்கென பிரத்யேகமாக இங்கிலாந்தில் உள்ள நுனேட்டம் எனும் இடத்தில் விஷேச அறை அமைக்கப்பட்டு, அந்த அறையில் ஹரி தங்க வைக்கப் பட்டார்.
பிரத்யேக உடை....
அந்த உறைபனி அறையில் தங்கிய போது, அண்டார்டிகா பயணத்தின் போது அணிய வேண்டிய பிரத்யேக உடையை அணிந்து கொண்டாராம் ஹரி.
உறைபனி அறையில்...
கிட்டத்தட்ட 20 மணி நேரங்கள் அந்த அறைக்குள் இருந்திருக்கிறார் ஹரி. அவருடன் அந்த குழுவில் இடம்பெற்றுள்ள இங்கிலாந்து ராணுவ வீரர்கள் 4 பேரும் தக்கி பயிற்சி பெற்றனர்.
15 நாள் பயணம்...
தொண்டு நோக்கத்துடன் 3 குழுவினரால் மேற்கொள்ளப்படும் இந்தப் பயணமானது கிட்டத்தட்ட 15 நாட்கள் நீடிக்கும் என சொல்லப் படுகிறது.