இதுதான்டா 'மோடி டிரெஸ்'.... ராக்கிசாவந்த் 'ராக்ஸ்'.. சுதந்திர தினவிழாவில் பயங்கர 'ஷாக்'

By Karthikeyan

Updated: Thursday, August 11, 2016, 14:59 [IST]

Subscribe to Oneindia Tamil

நியூயார்க்: இந்தி நடிகை ராக்கி சாவந்த், பிரதமர் மோடி புகைப்படத்துடன் கூடிய உடையை அணிந்தது சர்ச்சை ஏற்படுத்தியுள்ளார்.

இந்தி பட உலகில் தனது படுபயங்கர கவர்ச்சியால் அனைவரையும் கதிகலங்க வைத்தவர் ராக்கி சாவந்த். ஆனால் பாலிவுட்டில் பல கவர்ச்சிப் புயல்கள் வீசுவதால் ராக்கியால் தாக்குப் பிடிக்க முடியவில்லை. எனவே சினிமா வாய்ப்பு கிடைக்கவில்லை.

இதனால் அரசியலில் அடி எடுத்து வைத்தார்.

பாஜக

அரசியலுக்கு வந்த ராக்கி சாவந்தை பாஜக தன் பக்கம் இழுக்க முயற்சி செய்தது. ஆனால் ராக்கி "ராஷ்டிரிய ஆம்" என்ற புதிய கட்சியை தொடங்கி நாடாளுமன்ற தேர்தலில் வடமேற்கு மும்பை தொகுதியில் போட்டியிட்டார்.

ராக்கி

நாடாளுமன்ற தேர்தலில் பச்சை மிளகாய் சின்னத்தில் போட்டியிட்ட நடிகை ராக்கி சாவந்த் படுதோல்வி அடைந்தது மட்டுமின்றி டெபாசிட் தொகையையும் இழந்தார். அவருக்கு வெறும் 2, 006 வாக்குகள் மட்டுமே கிடைத்தன.

கவர்ச்சி

தற்போது விருது விழாக்கள் மற்றும் திறப்பு விழா நிகழ்ச்சிகளில் கலந்து கொண்டு வரும் ராக்கி கவர்ச்சியான உடை அணிந்து அனைவரின் கவனத்தையும் ஈர்த்து வருகிறார். இந்நிலையில், அமெரிக்காவின் இலினாய்ஸ் மாகாணத்தில் வசிக்கும் இந்தியர்கள் சுதந்திர தின கொண்டாட்டத்திற்கு ஏற்பாடு செய்தனர்.

மோடி உடை

சுதந்திர தின கொண்டாட்டத்திற்கு நடிகை ராக்கி சாவந்திற்கு அழைப்பு விடுத்தனர். விழாவிற்கு வந்த ராக்கி சாவந்தை பார்த்ததும் நிகழ்ச்சி ஏற்பாட்டாளர்களும், விழாவில் கலந்து கொண்டவர்களும் அதிர்ச்சியடைந்தனர். காரணம் அவர் அணிந்திருந்த கவர்ச்சிகரமான கருப்பு உடையில் முன்புறம், பின்புறம் என நீக்கமற மோடியின் படங்கள் இடம் பெற்றிருந்தன. இதுதான் அனைவரது கண்களையும் மொய்க்க வைத்து விட்டது. இந்த புகைப்படங்களை தனது இன்ஸ்டாகிராமில் வெளியிட்டு உள்ளார் ராக்கி சாவந்த்.