ஹிலரிக்கு ஆதரவாக பிரச்சார இசை நிகழ்ச்சி நடத்தும் பிரபல் ராப் பாடகர் 'ஜே ஸி’!
க்ளீவ்லேண்ட்(யு.எஸ்): தமிழ் நாட்டில் மட்டும் தான் சினிமா பிரபலங்கள் தேர்தல் பிரச்சாரம் செய்யனுமா என்ன? அமெரிக்காவும் இதில் சளைத்ததில்லை. பிரபலங்கள் இல்லாமல் பிரச்சாரங்கள் இல்லை என்பது உலக நியதி ஆகிவிட்டது.
அந்த வகையில் பிரபல ராப் பாடகர் ஜே ஸி ( Jay Z) ஹிலரி க்ளிண்டனுக்கு ஆதரவாக க்ளீவ்லேண்ட் நகரில் இசை நிகழ்ச்சி நடத்த உள்ளார்.
இளம் வாக்காளர்களை குறிவைத்து நடத்தப்படும் இந்த நிகழ்ச்சி விரைவில் நடைபெற உள்ளது.
முன்னதாக ஜே ஸி , ஒபாமாவுக்கு ஆதரவாக பிரச்சாரம் செய்தவர். அவருடன் நெருங்கிய நட்பு கொண்டவர். கடும் போட்டி நிலவும் ஒஹாயோ மாநிலத்தில் ஒவ்வொரு வாக்கும் முக்கியமானதாகும். அங்குள்ள பெரிய நகரமான க்ளீவ்லேண்ட் மற்றும் சுற்று வட்டார நகரங்களின் வாக்குகள் வெற்றியை நிர்ணயிக்கக் கூடியவை.
எந்த ரிஸ்க்கும் எடுக்க தயாராக இல்லாத ஹிலரி தரப்பு, ஜே ஸி யை களம் இறக்குகிறார்கள். மற்றும் கேட்டி பெர்ரி, மைலி சைரஸ் , ஜான் லெஜண்ட் உள்ளிட்ட மற்ற பிரபல இசைக் கலைஞர்களும் ஹிலரிக்கு ஆதரவாக களம் இறங்கியுள்ளார்கள்
ஹிலரிக்கு ஜார்ஜ் க்ளூனி, லேடி ககா , கிம் கர்டாஷியன் உட்பட ஏராளமான ஹாலிவுட் மற்றும் பாப் உலக பிரபலங்களின் ஆதரவு உண்டு.
தற்போது ஒவ்வொருவரும் வரிசையாக நிகழ்சிகளில் பங்கேற்று வாக்காளர்களிடம் நேரடியாக ஆதரவு திரட்டத் தொடங்கியுள்ளார்கள்.
-இர தினகர்
Click it and Unblock the Notifications
Sign in with Google