கூந்தலை சரி செய்தபடி போஸ் கொடுக்கும் ஒபாமா மகளின் படம்.. வைரலாக பரவுகிறது
வாஷிங்டன்: அமெரிக்க அதிபர் பராக் ஒபாமாவின் மூத்த மகள் மலியாவின் கேஷுவலான படம் ஒன்று இன்ஸ்டாகிராம் வழியாக வைரலாக பரவி வருகிறது.
தனது மகள்கள் குறித்து மிகவும் கட்டுப்பாட்டுடன் உள்ளனர் ஒபாமா தம்பதியர். அவர்கள் குறித்த செய்திகள் உள்ளிட்டவற்றிலும் கவனமாக உள்ளனர். எதுவும் தவறாக வந்து விடக் கூடாது என்பதில் தாயார் மிஷல் கவனமாக உள்ளார்.
ஆனால் அதையும் மீறி 16 வயதான மூத்த மகள் மலியா ஒபாமாவின் கேஷுவலான படம் ஒன்று இன்ஸ்டாகிராம் மூலமாக பரவி வைரல் ஆகியுள்ளது.
மிகவும் சாதாரணமான முறையில் டி சர்ட்டுடன் இதில் காணப்படுகிறார் மலியா. அந்த டி சர்ட்டில் ப்ரூக்ளினைச் சேர்ந்த பிரபல ராப் குழுவான ப்ரோ எரா-வின் பெயர் இடம் பெற்றுள்ளது.
தனது போனி டெய்ல் தலைமுடியை சரி செய்தபடி கேமராவை நோக்கி பார்க்கும்படியாக இதில் மலியா காணப்படுகிறார். இந்தப் படம் யாரால், எப்போது, எங்கு எடுக்கப்பட்டது என்பது தெரியவில்லை. எப்படி வெளியானது என்றும் தெரியவில்லை.
இந்தப் புகைப்படம் குறித்து இதுவரை வெள்ளை மாளிகை கருத்து எதுவும் தெரிவிக்கவில்லை என்பது குறிப்பிடத்தக்கது.
Click it and Unblock the Notifications
Sign in with Google