பிரபல ஹோட்டலின் தந்தூரி அடுப்பில் எலிக்கறி சமைத்த ஊழியர்.. வைரலான வீடியோ.. இழுத்து மூடப்பட்ட கிளைகள்

தந்தூரி அடுப்பில் எலிக்கறி சமைப்பது தொடர்பான வீடியோ வைரலானதால் பிரச்சினையில் சிக்கியுள்ளது பிரபல ஹோட்டல் ஒன்று.

ஹவாய்: அமெரிக்காவின் ஹவாய் தீவுகளில் எலிக்கறி சமைத்த உணவகம் தற்காலிகமாக மூடப்பட்டுள்ளது.

அமெரிக்காவில் மிகவும் பிரபலமாக உள்ள உணவகம் டெட்டிஸ் பிக்கர் பர்கர். சமீபத்தில் இந்த உணவகம் தொடர்பாக அதிர்ச்சி தரும் வீடியோ ஒன்று வெளியானது.

அந்த வீடியோவில் ஹவாய் தீவுகளில் உள்ள அந்த உணவகத்தின் ஒரு கிளையின் சமையலறையில், ஊழியர் ஒருவர் எலிக்கறி சமைப்பது போன்ற காட்சிகள் இடம்பெற்றிருந்தன. இது அந்த உணவகனத்தின் வாடிக்கையாளர்களுக்கு அதிர்ச்சியை ஏற்படுத்தியதுடன், உணவகனத்தின் வியாபாரத்தையும் முற்றிலும் பாதித்தது.

இதையடுத்து உணவு பாதுகாப்புத்துறை அதிகாரிகள் அந்த உணவகத்தை தற்காலிகமாக மூடினர். மேலும் சமையலறையை சுத்தப்படுத்தவும் உத்தரவிட்டனர்.

இதுகுறித்து விளக்கம் அளித்துள்ள அந்த உணவகத்தின் உரிமையாளர் ரிச்சர்டு ஸ்டுலா, "சம்பந்தப்பட்ட வீடியோவை பார்த்து நாங்கள் மிகுந்த அதிர்ச்சி அடைந்தோம். 20 வருடங்களுக்கு மேலாக நாங்கள் சம்பாதித்த நற்பெயரை கெடுக்க, முன்னாள் ஊழியர் ஒருவர் செய்த சதி தான் இது", எனக் கூறியுள்ளார்.

இந்த சம்பவம் தொடர்பாக அந்நிறுவனத்தின் இரண்டு ஊழியர்கள் பணி நீக்கம் செய்யப்பட்டுள்ளனர். மேலும், சுத்தப் பணிகளுக்காக அந்த டெட்டி பிக்கர் பர்கரின் இரண்டு கிளைகள் மூடப்பட்டுள்ளன.

அதிகாரிகளின் ஆய்வுக்கு பிறகே அந்த இரண்டு கிளைகளும் திறக்கப்படும் என தெரிவிக்கப்பட்டுள்ளது.

English summary

In a disgusting bit of news, a reputable burger joint has been forced to pull down its shutters after a video of an employee cooking a rat on the grill surfaced online.