டி.வி "காம்பயர்கள்" வயிற்றில் புளியைக் கரைக்கும் "ரோபோ"
பெய்ஜிங்: சீனாவில் தொலைக்காட்சி நிறுவனம் ஒன்று முதன் முறையாக ரோபோவை நிகழ்ச்சி தொகுப்பாளராக பணி அமர்த்தியுள்ளது மற்ற தொகுப்பாளர்களுக்கு கலக்கத்தை ஏற்படுத்தியுள்ளது.
சீனாவில் பிரபலமான டிவி சேனல் சாங்காய் டிராகன் டிவி. இந்த டிவியில் வானிலை அறிவிப்புகள் வழக்கமாக தொகுப்பாளர்களைக் கொண்டு நேரலையாக ஒளிபரப்பப்பட்டு வந்தது. இந்நிலையில், இந்த நிகழ்ச்சியை தொகுத்து வழங்க பெண் ரோபோ ஒன்று பணியமர்த்தப்பட்டுள்ளது.
இந்த ரோபோ, மைக்ரோசாப்ட் நிறுவனத்தால் தயாரிக்கப்பட்ட ஜியாவோல்ஸ் எனும் ஸ்மார்ட் கிளவுட் மற்றும் பின் டேட்டா சாப்ட்வேரை கொண்டு இயங்குகிறது. அழகான பெண் குரலில் வானிலை அறிவிப்புகளை மனிதர்களை போலவே துல்லியமாக ஏற்ற இறக்கத்துடன் வாசிக்கிறது. இது பெரும்பாலான நேயர்களை ஆச்சர்யத்தில் ஆழ்த்தியது மட்டுமின்றி அவர்களை பெரிதும் கவர்ந்துள்ளது.
இந்த சாப்ட்வேர் மூலம், ஏற்கனவே எழுத்துக்களை பேச்சு வடிவமாக மாற்றுவது வெற்றிகரமாக செயல்படுத்தப்பட்டது. இதில் இருக்கும் யூனிக் எமோஷனல் தொழில்நுட்பம் உடனடியாக எதையும் பேச்சு வடிவில் துல்லியமாக மாற்றக்கூடியது. இவ்வாறு ரோபோக்களைக் கொண்டு நிகழ்ச்சிகள் தொகுத்து வழங்கும் முறை நடைமுறைப்படுத்தப்பட்டால், நிகழ்ச்சி தொகுப்பாளர்கள் வேலை இழக்கும் அபாயம் ஏற்பட்டும் . எனவே இது தொகுப்பாளர்கள் மத்தியில் பெரும் கலக்கத்தை ஏற்படுத்தியுள்ளது.
Click it and Unblock the Notifications
Sign in with Google