ரூ.44,67,90,66,84,800 நாசம்! நடுத்தெருவுக்கு வந்த ஹாலிவுட் நடிகர்கள்.. கபளீகரம் செய்த கலிபோர்னியா தீ

கலிபோர்னியா: அமெரிக்காவில் ஏற்பட்டு உள்ள காட்டுத்தீ தெற்கு கலிபோர்னியாவை கபளீகரம் செய்து வருகிறது. மூன்றாவது நாளாக அங்கே காட்டுத்தீ பரவிக்கொண்டு இருக்கிறது. அங்கே மொத்தமாக 5 விதமாக காட்டுத்தீ ஏற்பட்டு உள்ளது. பாலிசேட்ஸ், ஈடன், ஹர்ஸ்ட், லிடியா மற்றும் சன்செட் ஃபயர்ஸ் ஆகிய காட்டு தீ அங்கே ஏற்பட்டு உள்ளது.

பாலிசேட்ஸ் தீ: பசிபிக் பாலிசேட்ஸ் பகுதியில் ஏற்படும் காட்டுத்தீயை இது குறிக்கும்., லாஸ் ஏஞ்சல்ஸுக்கு அருகிலுள்ள கடலோர நிலப்பரப்பு ஆகும் இது. இங்கே இப்போது கடுமையான காட்டுத்தீ ஏற்பட்டு உள்ளது.

ஈட்டன் ஃபயர்: கலிபோர்னியாவின் தெற்கு பகுதிகளில் உள்ள ஈட்டன் Canyon அல்லது அதைச் சுற்றியுள்ள பகுதிகளில் ஏற்படும் காட்டுத்தீயை இது குறிக்கும்

ஹர்ஸ்ட் ஃபயர்: ஹர்ஸ்ட் பகுதியில் அல்லது அதற்கு அருகிலுள்ள இடங்களில் ஏற்படும் காட்டுத்தீயை இது குறிக்கும்.

லிடியா ஃபயர்: லிடியா பகுதியில் அல்லது அதற்கு அருகிலுள்ள இடங்களில் ஏற்படும் காட்டுத்தீயை இது குறிக்கும்.

சன்செட் ஃபயர்: Sunset Boulevard அல்லது Sunset Ridge பகுதியில் அல்லது அதற்கு அருகிலுள்ள இடங்களில் ஏற்படும் காட்டுத்தீயை இது குறிக்கும்.

பேரழிவை ஏற்படுத்திய காட்டுத்தீ:

இந்த காட்டுத்தீ காரணமாக 29,000 ஏக்கருக்கும் அதிகமான நிலங்கள் ஏற்கனவே கருகிவிட்டன, மேலும் 2,93,000 குடியிருப்பாளர்கள் வெளியேறி உள்ளனர்.

வீடுகள், பள்ளிகள் மற்றும் வணிக நிறுவனங்களை தீ நாசமாக்கி உள்ளன. 10 ஆயிரத்திற்கும் அதிகமான வீடுகள், கட்டிடங்கள் கருகி உள்ளன. 5 பேர் பலியாகி உள்ளனர். ஆனாலும் பலி எண்ணிக்கை உயரும் அபாயம் உள்ளது.

கிட்டத்தட்ட அங்கே 4 லட்சம் கோடி ரூபாய்க்கு நாசம் ஏற்பட்டு உள்ளது. முக்கியமாக பாலிசேட்ஸ் தீ அதாவது பசிபிக் பாலிசேட்ஸ் பகுதியில் ஏற்பட்ட காட்டுத்தீயை மிக மோசமாக அமைந்துள்ளது. லாஸ் ஏஞ்சல்ஸுக்கு அருகிலுள்ள கடலோர நிலப்பரப்பு ஆகும் இது. இங்கே இப்போது கடுமையான காட்டுத்தீ ஏற்பட்டு உள்ளது. அங்கேதான் அதிக அளவில் ஹாலிவுட் பிரபலங்கள் , கோடீஸ்வரர்கள் உள்ளனர்.

அங்கேதான் தற்போது காட்டுத்தீ ஏற்பட்டு உள்ளது. அங்கே இருந்த பிரபலங்கள் வீடுகள் எல்லாம் நாசமாகிவிட்டதால் அவர்கள் நடுத்தெருவுக்கு வந்துள்ளனர். அமெரிக்காவில் காட்டுத் தீ அதிகம் ஏற்படும் பகுதிகளில் கலிபோர்னியா மாகாணம் முக்கிய இடத்தில் இருக்கிறது. கடந்த ஒருவருடம் மட்டுமே கலிபோர்னியாவில் மொத்தம் 40க்கும் மேற்பட்ட காட்டுத் தீக்கள் ஏற்பட்டது. ஒரே மாதத்தில் கலிபோர்னியாவில் இங்கே 2-3 முறை தீ ஏற்படுவது வழக்கம்.

இந்த முறை காட்டுத் தீயை அணைப்பது மிகவும் சிரமமான காரியமாக இருக்கிறது. இது லாஸ் ஏஞ்சல்ஸ் பகுதியை அடைவதற்குள் எப்படியாவது அணைக்கப்பட்டு விடும் என்று கூறப்பட்டது. ஆனால் தற்போது லாஸ் ஏஞ்சல்ஸ் பகுதியையும் இந்த தீ கைப்பற்றிவிட்டது. 1000 தீ அணைப்பு வாகனங்களும், 32 ஹெலிகாப்டர்களும், 8,500 தீயணைப்பு வீரர்களும் இந்த பணியில் ஈடுபடுத்தப்பட்டு உள்ளனர். இதுவரை 750 கோடிக்கும் அதிகமாக இதனால் செலவு ஆகி உள்ளது.

பாரிஸ் ஹில்டன், பில்லி கிரிஸ்டல் மற்றும் அந்தோனி ஹாப்கின்ஸ் உள்ளிட்ட பிரபலங்கள் தங்கள் வீடுகளை இழந்துள்ளனர். பலரும் எரிந்த தங்கள் வீடுகளின் காட்சிகளை இன்ஸ்டாகிராம் பக்கத்தில் பகிர்ந்து சோகத்தை வெளிப்படுத்தி உள்ளனர்.

English summary

Rs. 44,67,90,66,84,800 loss in 3 days: Celebrities went homeless due to California, Los Angels fire