தைவானுக்கு பூச்சாண்டி காட்டும் சீனா! வரிந்துகட்டி ஆதரித்த ரஷியா - மூலக் காரணம் அமெரிக்கா

Updated: Wednesday, August 3, 2022, 0:25 [IST]

Subscribe to Oneindia Tamil

தைவான்: அமெரிக்க சபாநாயகர் நான்சி பெலோசி தைவான் வருகை தந்ததற்கு சீனா எதிர்ப்பு தெரிவித்து ராணுவ நடவடிக்கைகளை எடுக்கப்போவதாக எச்சரித்துள்ள நிலையில், சீனாவுக்கு ரஷியா ஆதரவளித்து உள்ளது.

Recommended Video

Taiwan-ல் தற்போது என்ன நடக்கிறது? America-மீது கடும் கோபத்தில் China *World

கடந்த 1949 ஆம் ஆண்டு வெடித்த உள்நோட்டு போரை தொடர்ந்து சீனாவில் இருந்து தைவான் தனி நாடாக பிரிந்தது. தைவான் சுயாதீனமாக செயல்பட்டு வந்தாலும் சீனா அதற்கு உரிமைகோரி வருகிறது. இந்த நிலையில் அமெரிக்க நாடாளுமன்ற சபாநாயகர் நான்சி பெலோசி ஆசிய நாடுகளுக்கு சுற்றுப்பயணம் மேற்கொண்டு இருக்கிறார்.

முதல்கட்டமாக சிங்கப்பூருக்கு சென்ற அவர் அந்நாட்டு பிரதமரை சந்தித்து பேசினார். அமெரிக்க சபாநாயகரின் இந்த ஆசிய பயணத்தில் தைவானும் இடம்பெற்று இருந்தது சீனாவுக்கு கொதிப்பை ஏற்படுத்தியது.

சீனா எச்சரிக்கை

நான்சி பெலோசி தைவான் வருவதாக வெளியான தகவலை தொடர்ந்து சீன அதிபர் ஜீ ஜின்பிங் கண்டனம் தெரிவித்தார். "நான்சி பொலோசி தைவான் வருவதை எங்களால் அனுமதிக்க முடியாது. நெருப்புடன் விளையாடுபவர்கள் சாம்பலாகி போவது உறுதி." என்று அமெரிக்க அதிபர் ஜோ பைடனிடம் அவர் எச்சரிக்கை விடுத்தார். ஜீ ஜின்பிங்கின் எதிர்ப்பை தொடர்ந்து நான்சி பெலோசி தைவான் செல்வாரா? அல்லது பின்வாங்குவாரா? என்ற எதிர்பார்ப்பு உலகம் முழுவதும் நிலவியது.

அமெரிக்க சபாநாயகர்

இந்த நிலையில் தனது பயணத்திலும் பின்வாங்காமல் அவர் தைவானுக்கு இன்று இரவு 8:15 மணியளவில் சென்றடைந்து இருக்கிறார். தைவான் சென்ற அவரை அந்நாட்டு அதிகாரிகள் உற்சாகமாக வரவேற்றனர். தைவான் தலைநகர் தைபே சென்றடைந்த அவருக்கு அந்நாடு ராணுவ பாதுகாப்பை அளித்து வருகிறது.

அதிபருடன் சந்திப்பு

நான்சி பெலோசிக்கு பாதுகாப்பு அளிப்பதற்காக 13 அமெரிக்க போர் விமானங்கள் ஜப்பானிலிருந்து தைவானின் தைப்பே நகருக்கு சென்றடைந்து உள்ளன. தலைநகர் தைபேவில் உள்ள கிராண்ட் ஹைத் விடுதியில் அவரை தங்க வைக்கப்பட்டு இருக்கிறார். நாளை தைவான் அதிபர் சாய் இங் வென்னை அமெரிக்க சபாநாயகர் நான்சி சந்திக்க இருக்கிறார்.

ராணுவ நடவடிக்கை

இதுகுறித்து சீன பாதுகாப்புத்துறை தெரிவிக்கையில், "சீன ராணுவம் தயார் நிலையில் வைக்கப்பட்டு உள்ளது. திட்டமிட்ட ராணுவ நடவடிக்கைகளை எடுப்போம். சீனாவின் பாதுகாப்பு படை இன்று இரவு கூட்டு ராணுவ பயிற்சிகளை மேற்கொள்ள இருக்கிறோம். தைவானின் கிழக்கு கடல் பகுதியில் ஏவுகணை சோதனை நடத்த உள்ளோம்." என்று அறிவித்துள்ளது.

ரஷியா ஆதரவு

இந்த நிலையில் சீனாவுக்கு ரஷியா ஆதரவு தெரிவித்து உள்ளது. இது குறித்து ரஷிய வெளியுறவுத் துறை அமைச்சகம் வெளியிட்டு இருக்கும் அறிக்கையில், "தனது இறையான்மையை பாதுகாத்துக்கொள்வதற்காக சீனா நடவடிக்கை மேற்கொள்வதற்கு உரிமை உள்ளது என்று குறிப்பிட்டு உள்ளது. முன்னதாக பெலோசியின் தைவான் வருகை ஒரு தூண்டிவிடும் செயல் என்று ரஷியா விமர்சித்து இருந்தது.