ரஷ்யாவில் அதிகரிக்கும் கொரோனா மரணங்கள்- ஒரே நாளில் 1,160 பேர் பலி- அமெரிக்காவில் சட்டென குறைந்தது!
மாஸ்கோ: ரஷ்யாவில் கொரோனா மரணங்கள் தொடர்ந்து அதிகரித்து வருகின்றன. ரஷ்யாவில் நேற்று மட்டும் ஒரே நாளில் 1,160 பேர் கொரோனாவால் உயிரிழந்துள்ளனர்.
உலக நாடுகளில் புதிய உருமாறிய கொரோனா வைரஸ் பரவல் அதிகரித்து வருகிறது. உலகின் பல நாடுகளிலும் லாக்டவுன் உள்ளிட்ட கட்டுப்பாடுகள் மீண்டும் விதிக்கப்பட்டு வருகின்றன.
உலகம் முழுவதும் நேற்று மட்டும் 3,83,922 பேருக்கு கொரோனா தொற்று புதியதாக கண்டறியப்பட்டது. உலக நாடுகளில் மொத்தம் 5,973 பேர் நேற்று கொரோனாவால் உயிரிழந்தனர். மேலும் 3,24,414 பேர் கொரோனா சிகிச்சைக்குப் பின் குணமடைந்துள்ளனர்.
உலக நாடுகளில் இங்கிலாந்தில்தான் நேற்று அதிக அளவில் கொரோனா தொற்று பதிவாகி இருந்தது. இங்கிலாந்தில் நேற்று மட்டும் 41,278 பேருக்கு கொரோனா கண்டறியப்பட்டது. இங்கிலாந்தில் நேற்று 166 பேர் கொரோனாவால் உயிரிழந்தனர்.
இங்கிலாந்தை தொடர்ந்து ரஷ்யாவில் 40,251 பேர் கொரோனாவால் பாதிக்கப்பட்டது தெரியவந்தது. ஆனால் ரஷ்யாவில் உலக நாடுகளிலேயே மிக அதிகமாக 1,160 பேர் கொரோனாவால் நேற்று உயிரிழந்தனர். அமெரிக்காவில் 26,787; உக்ரைனில் 26,198; துருக்கியில் 23,096 பேருக்கு நேற்று கொரோனா தொற்று உறுதி செய்யப்பட்டது.
கொரோனா மரணங்கள் பட்டியலில் ரஷ்யாவுக்கு அடுத்ததாக உக்ரைன் உள்ளது. உக்ரைனில் நேற்று மட்டும் 541 பேர் கொரோனாவால் மரணம் அடைந்தனர். கொரோனா மரணங்கள் பட்டியலில் இந்தியா 3-வது இடத்தில் உள்ளது. இந்தியாவில் நேற்று கொரோனாவுக்கு 446 பேர் உயிரிழந்தனர். ஒருநாள் கொரோனா பாதிப்பு பட்டியலில் இந்தியா 7-வது இடத்தில் இருக்கிறது. இந்தியாவில் நேற்று கொரோனா பாதிப்பு 13,000க்கும் கீழே இருந்தது.
உலகம் முழுவதும் மொத்த கொரோனா பாதிப்பு எண்ணிக்கை 24,71,36,432. உலக நாடுகளில் கொரோனா மரணங்கள் எண்ணிக்கை 50,10,533. உலக அளவில் கொரோனா பாதிப்பில் இருந்து மீண்டவர்கள் எண்ணிக்கை 22,38,65,332. மொத்த கொரோனா பாதிப்பில் அமெரிக்கா முதலிடத்தில் உள்ளது. அமெரிக்காவில் 4,67,99,970 பேர் கொரோனாவால் பாதிக்கப்பட்டுள்ளனர். 2-வது இடத்தில் உள்ள இந்தியாவில் மொத்தம் 3,42,72,677 பேருக்கு கொரோனா பாதிப்பு ஏற்பட்டது. 3-வது இடத்தில் உள்ள பிரேசிலில் மொத்தம் 2,18,04,094 பேருக்கு கொரோனா தொற்று உறுதி செய்யப்பட்டிருக்கிறது.
Click it and Unblock the Notifications
Sign in with Google