ரஷ்யாவில் காதலியை கொடூரமாக தாக்கிய காதலன்: அதிர வைக்கும் வீடியோ

By Siva

Published: Thursday, June 9, 2016, 9:49 [IST]

Subscribe to Oneindia Tamil

மாஸ்கோ: ரஷ்யாவில் ஒருவர் தனது காதலியை முரட்டுத்தனமாக தாக்கியபோது எடுக்கப்பட்ட வீடியோ இணையதளங்களில் வெளியாகி பெரும் பரபரப்பை ஏற்படுத்தியுள்ளது.

ரஷ்யாவில் உள்ள ஏகடரின்பர்க் நகரில் உள்ள கார் பார்க்கிங் பகுதியில் இளம்பெண்ணுக்கும், அவரது காதலருக்கும் இடையே வாக்குவாதம் ஏற்பட்டது. அப்போது அந்த பெண் தனது காதலனின் முகத்தில் ஓங்கி குத்தியதுடன், திரும்பத் திரும்ப கன்னத்தில் அறைந்தார். மேலும் காதலனை எட்டி உதைத்தார்.

இத்தனையும் பொறுமையாக தாங்கிய அந்த நபர் காரில் ஏறி கிளம்ப முயன்ற தனது காதலியை தடுத்து கட்டியணைத்து நான் உன்னை காதலிக்கிறேன் என்றார். திடீர் என்ன ஆனதோ அந்த நபர் தனது காதலியை கொடூரமாக தாக்கி கீழே தள்ளினார்.

இதில் காயம் அடைந்த அந்த பெண்ணுக்கு ரத்தம் வந்தது. அந்த பெண் அடி வாங்குவதை பார்த்து அந்த வழியாக சென்ற ஒரு பெண் உதவிக்கு வந்தார். ஆனால் அந்த காதலனோ உதவிக்கு வந்த பெண்ணை பிடித்து தள்ளிவிட்டு அவரின் செல்போனை பறித்துவிட்டார்.

தனது காதலியை ஆத்திரம் தீரும் வரை தாக்கிவிட்டு அந்த நபர் காரில் ஏறி கிளம்பிவிட்டார். அந்த சம்பவத்தை அப்பகுதியில் இருந்த கட்டிடம் ஒன்றில் இருந்து வீடியோ எடுத்த நபர் அதை இணையதளங்களில் வெளியிட்டுள்ளார்.

Published On June 9, 2016