39 பேருடன் சென்ற ரஷ்ய ராணுவ விமானம் 3 துண்டாக உடைந்து விழுந்தது.. அனைவரும் உயிர் தப்பிய அதிசயம்

மாஸ்கோ: 39 பேருடன் சென்ற ரஷ்ய ராணுவ விமானம் விழுந்து நொறுங்கியது. 16 பேர் படுகாயமடைந்துள்ளனர்.

ரஷ்யாவின் IL-18 வகை ராணுவ விமானம் சைபீரியா பகுதியில் டிக்சி விமான நிலையத்திலிருந்து சுமார் 30 கி.மீ தொலைவில் விழுந்து நொறுங்கியது.

மொத்தம் 3 துண்டுகளாக இது உடைந்து விழுந்ததாக தெரியவந்துள்ளது. இதனால் விமானத்தில் பயணித்த 39 பேரும் உயிரிழந்திருக்கலாம் என்று முதலில் தகவல் வெளியானது.

இதையடுத்து 27 பேர் இறந்துவிட்டதாக சில தகவல்கள் வெளியாகின. ஆனால் இதையெல்லாம் ரஷ்ய பாதுகாப்பு துறை மறுத்துள்ளது. 16 பேர் படுகாயமடைந்ததாகவும் பிறர் லேசான காயமடைந்து சிகிச்சை பெற்று வருவதாகவும் ரஷ்ய பாதுகாப்பு துறை தெரிவித்துள்ளது.

மோசமான வானிலை காரணமாக, விமான விபத்து நடந்ததாகவும் கூறப்படுகிறது.

English summary

Russian defence ministry Il-18 plane with nearly 40 people on board crashes in Siberia