தீபாவளி பார்ட்டிக்கு ஊதா கலரு புடவையில் வந்த யு.கே. பிரதமரின் மனைவி
லண்டன்: இங்கிலாந்தில் நடந்த தீபாவளிக் கொண்டாட்டத்திற்கு இங்கிலாந்து பிரதமர் டேவிட் காமரூனின் மனைவி புடவை அணிந்து வந்திருந்தார்.
இங்கிலாந்தில் கடந்த வாரம் தீபாவளி கொண்டாடப்பட்டது. 5 நாட்கள் இந்த கொண்டாட்டம் நீடித்தது. வெஸ்மினிஸ்டரில் கன்சர்வேட்டிவ் கட்சி சார்பில் நடந்த தீபாவளிக் கொண்டாட்டத்தில் இங்கிலாந்து பிரதமர் டேவிட் காமரூன், அவரது மனைவி சமந்தாவுடன் கலந்து கொண்டார்.
சமந்தா நீல நிற புடவையில் வந்தது தான் அனைவரின் கவனத்தையும் ஈர்த்தது. அவர்கள் தீபாவளி கொண்டாடும் இந்து மக்களுக்கு வாழ்த்து தெரிவித்தனர். மேலும் கடந்த வெள்ளிக்கிழமை கேமரூன் தனது இல்லத்தில் தீபாவளி விருந்து அளித்தார்.
முன்னதாக தீபாவளிக் கொண்டாட்டத்தை கேமரூன் தம்பதி குத்துவிளக்கேற்றி துவக்கி வைத்தனர். கடந்த ஆண்டு நடந்த தீபாவளிக் கொண்டாட்டத்தில் கலந்து கொண்ட சமந்தா சிவப்பு நிற பட்டுப்புடவை அணிந்திருந்தார்.
காமரூன் வழக்கம் போல் கோட்சூட்டில் வந்திருந்தார் என்பது குறிப்பிடத்தக்கது.
Click it and Unblock the Notifications
Sign in with Google