அழகிற்கு வயதில்லை: உலகிலேயே அழகான பெண்.. 50 கேஜி தாஜ்மஹால் சான்ட்ரா புல்லக்!

By Siva

Published: Thursday, April 23, 2015, 16:47 [IST]

Subscribe to Oneindia Tamil

நியூயார்க்: 2015ம் ஆண்டின் உலகின் அழகான பெண்ணாக ஹாலிவுட் நடிகை சான்ட்ரா புல்லக்கை பீபிள் பத்திரிக்கை தேர்வு செய்துள்ளது.

பீபிள் பத்திரிக்கை 2015ம் ஆண்டின் உலகின் அழகான பெண்ணாக ஹாலிவுட் நடிகை சான்ட்ரா புல்லக்கை தேர்வு செய்துள்ளது. முன்னதாக கடந்த ஆண்டு ஆஸ்கர் விருது பெற்ற நடிகை லுபிதா நியாங்கோவும், 2013ல் க்வெய்னத் பால்ட்ரோவும் உலகின் அழகான பெண்ணாக தேர்வு செய்யப்பட்டனர்.

உலகின் அழகான பெண்ணாக தேர்வு செய்யப்பட்டது பற்றி 50 வயதாகும் சான்ட்ரா புல்லக் கூறுகையில்,

சான்ட்ரா

நான் உலகின் அழகான பெண்ணா, நம்பவே முடியவில்லை. அழகாகத் தெரிய வேண்டும் என்று நினைக்காதவர்கள் தான் உண்மையில் அழகானவர்கள். உண்மையான அழகு அமைதியானது.

அழகு

நல்ல மனிதராக, நல்ல தாயாக, தேவையில் இருப்பவர்களுக்கு உதவி செய்பவர்கள் தான் உண்மையில் அழகானவர்கள். அழகாக இருக்க வேண்டும் என்று முயற்சி செய்யாதவர்களே அழகு என்று நான் நினைக்கிறேன்.

மகன்

என் 5 வயது மகன் லூயிஸுடன் நேரத்தை செலவிட எனக்கு மிகவும் பிடிக்கும். அவனுக்கு பிறர் செல்லம் கொடுக்க அனுமதித்தாலும் நான் அவனுடன் கண்டிப்புடன் நடந்து கொள்வேன்.

முகசுருக்கம்

என் மகனை படுக்கையில் தூங்க வைக்கும்போது அவன் என்னைப் பார்த்து அம்மா உங்கள் முகத்தில் ஏன் சுருக்கமாக உள்ளது என்று கேட்டான். நான் அதிகம் சிரிப்பதால் சுருக்கம் விழுகிறது என்றேன்.