நீதான் என் ஸ்வீட் ஹார்ட்.. ஒட்டகத்தைக் கொஞ்சிய மனைவி.. கொந்தளித்த கணவர்.. கடைசியில் டைவர்ஸ்!

மனாமா: சவுதி அரேபியாவில் தன்னை விட ஒட்டகத்தின் மீது அதிக அன்பு கொண்டு கொஞ்சிக் குலாவிய மனைவியை விவாகரத்து செய்துள்ளார் கணவர் ஒருவர்.

சவுதி அரேபியாவைச் சேர்ந்த தம்பதி ஒன்று, சமீபத்தில் ரியாத்தின் மேற்குப் பகுதியில் உள்ள மனைவியின் தந்தை வீட்டிற்குச் சென்றிருந்தனர். அப்போது, தந்தை வீட்டில் வளர்ந்து வரும் அல் வலீஃப் என்ற ஒட்டகத்தைப் பார்த்ததும் அப்பெண் மிகுந்த உற்சாகமடைந்துள்ளார்.

தனது அன்பை வெளிப்படுத்தும் விதமாக ஒட்டகத்தை ‘டியர், ஸ்வீட் ஹார்ட்' என விதவிதமாகக் கொஞ்சியுள்ளார். இதனை நேரில் பார்த்த அப்பெண்ணின் கணவர் அதிர்ச்சி அடைந்தார்.

தன்னை விட தன் மனைவி அந்த ஒட்டகத்தைத் தான் அதிகம் நேசிக்கிறாரோ என அவருக்கு சந்தேகம் ஏற்பட்டது. எனவே, அதனை நிவர்த்தி செய்து கொள்ளும் வகையில் மனைவியிடம் இது தொடர்பாக அவர் விசாரித்துள்ளார்.

மனைவியும் கள்ளம் கபடமின்றி தான் ஒட்டகத்தின் மீது வைத்துள்ள அன்பை பற்றித் தெரிவித்துள்ளார். இதனால் ஆத்திரமடைந்த அக்கணவர் மனைவியை விவாகரத்து செய்தார்.

English summary

A Saudi man divorced his wife after he became convinced she loved her father’s camel than she loved him.