25 வயது மணமகளுக்கு ரூ. 330 கோடி வரதட்சணை.. வைரலாகும் 68 வயது சவுதி இளவரசரின் கல்யாண வீடியோ!
சவுதி இளவரசர் சுல்தானின் திருமண வீடியோ இணையத்தில் வைரலாகப் பரவி வருகிறது.
Recommended Video
ரியாத்: சவுதி இளவரசர் சுல்தான் பின் சல்மான் ரூ. 330 கோடி ரூபாய் வரதட்சணையாகக் கொடுத்து இளம்பெண் ஒருவரைத் திருமணம் செய்துள்ளதாக தகவல்கள் வெளியாகியுள்ளது.
சவூதி அரேபியா இளவரசரான சுல்தான் பின் சல்மானுக்கு தற்போது 68 வயது ஆகிறது. சமீபத்தில் இவருக்கு திருமணம் நடைபெற்றது.
இத்திருமண நிகழ்ச்சியின்போது 30 குதிரை வண்டிகளில் பரிசுப் பொருட்களும், சொகுசுப் பேருந்து ஒன்றில் இருந்து 30 பெட்டிகளும் இறக்கப்பட்டன. அதில் இருந்த வைர நகைகளும், பரிசு பொருட்களும் மணப்பெண்ணின் குடும்பத்தாருக்கு வழங்கப்பட்டது.
இது தொடர்பான வீடியோ ஒன்று இணையத்தில் வெளியாகி வைரலாகப் பரவி வருகிறது. அதில், மணப்பெண் வெள்ளை நிற ஆடையில் அழகாக காட்சி அளிக்கிறார்.
மணப்பெண் சவுதியைச் சேர்ந்தவர் எனச் சொல்லப்படுகிறது. 25 வயதாகும் மணப்பெண்ணிற்கு 50 மில்லியன் டாலர்களை சுல்தான் வரதட்சணையாகக் கொடுத்ததாகக் கூறப்படுகிறது. இந்நிய மதிப்பில் இது ரூ. 330 கோடி ஆகும்.