”ஹைய்யா நாங்க பாண்டா மொழியை கண்டுபிடிச்சுட்டோம்”- குதூகலிக்கும் சீன ஆராய்ச்சியாளர்கள்!
பீஜிங்: பாண்டா கரடிகளின் மொழியை ஆய்வின் மூலமாக அறிந்து கொண்டோம் என்று சீன ஆராய்ச்சியாளர்கள் தெரிவித்துள்ளனர்.
பாண்டாக் கரடிகளை வளர்ப்பதிலும் அதன் வம்சாவளியை பாதுகாப்பதிலும் சீனா முக்கியப்பங்கு வகித்துவருகின்றது.
பல்வேறு வகையில் சரணாலயங்கள், பாதுகாப்பு பகுதிகளை அமைத்து அவற்றை பாதுகாத்து வருகின்றது.
5 ஆண்டுகளாக ஆராய்ச்சி:
இந்நிலையில் சீனாவின் பாண்டாக்கள் பாதுகாப்பு மற்றும் ஆராய்ச்சி மையம் கிட்டதட்ட ஐந்தாண்டுகளுக்கும் மேலாக பாண்டாக்களின் மொழிகளைப் பற்றி ஆராய்ந்து வந்தது.
ரகசிய மொழி கண்டறிவு:
5 ஆண்டுகளுக்கும் மேலான இந்த ஆராய்ச்சியில் இவற்றின் ரகசிய மொழியை அறிந்துகொண்டுள்ளதாக தற்போது அறிவித்துள்ளது.
13 வகையான வார்த்தை பரிமாற்றங்கள்:
மேலும், இந்த ஆராய்ச்சியாளர்கள் பாண்டாக்களிடையே கிட்டதட்ட 13 விதமான வார்த்தை பரிமாற்றங்கள் நடைபெறுவதாக அவர்களுக்கு தெரியவந்துள்ளதாகவும் குறிப்பிட்டுள்ளனர்.
மொழி பெயர்க்கும் கருவி:
இந்த ஆய்வின் முடிவைக் கொண்டு குரலை அடையாளம் காணும் தொழில்நுட்பத்தைப் பயன்படுத்தி ஒரு பாண்டாவின் குரலோசையை மொழிப்பெயர்க்கும் கருவியை உருவாக்கும் முயற்சியில் இந்த ஆய்வாளர்கள் இறங்கியுள்ளனர்.
Click it and Unblock the Notifications
Sign in with Google