கடலில் கருப்புப் பெட்டியின் சிக்னல்.. கண்டுபிடிக்கப்பட்ட இடத்திற்கு விரைந்த கப்பல்கள், விமானங்கள்

பெர்த்: இந்திய பெருங்கடலில் விழுந்த மலேசிய விமானத்தை தேடி வந்த சில கப்பல்கள் மற்றும் விமானங்கள் சீன கப்பல் கருப்புப் பெட்டியில் இருந்து வரும் ஒலியை கண்டுபிடித்த இடத்திற்கு சென்றுள்ளன.

தெற்கு இந்திய பெருங்கடலில் விழுந்த மலேசிய விமானத்தை தேடும் பணியில் ஈடுபட்ட சீன கப்பலான ஹைசுன் 01 கருப்புப் பெட்டியில் இருந்து வரும் ஒலியை இரண்டு முறை கண்டறிந்தது. இதையடுத்து ஆஸ்திரேலிய கடற்படை கப்பல் ஒன்று வேறு இடத்தில் ஒரு வகையான ஒலியை கண்டறிந்தது.

சீன கப்பல் கண்டறிந்த ஒலியின் அளவு கருப்புப் பெட்டியில் இருந்து வரும் ஒலியோடு ஒத்துப் போவதால் அது மாயமான விமானத்தினுடையதாக இருக்கலாம் என்று கருதப்படுகிறது. இந்நிலையில் இந்திய பெருங்கடலில் விமானத்தை தேடி வந்த சில கப்பல்கள் மற்றும் விமானங்கள் சீன கப்பல் ஒலியை கண்டறிந்த இடத்திற்கு இன்று சென்றுள்ளன.

விமானத்தின் கருப்புப் பெட்டியின் பேட்டரி ஆயுள் வேறு இன்றுடன் முடிவதால் ஒலி வந்த இடத்தில் தேடல் தீவிரப்படுத்தப்பட்டுள்ளது என்பது குறிப்பிடத்தக்கது.

English summary

Some of the ships and planes involved in searching the Malaysian plane has moved to the area where the Chinese vessel picked up pings.