இனி கைதிகள் மனைவியரைத் தனிமையில் சந்திக்கலாம் – ஷார்ஜாவில்!

ஷார்ஜா: ஷார்ஜாவில் சிறைக் கைதிகள் இனிமேல் மனைவியுடன் தனிமையில் சந்திக்கலாம் என்ற புதிய அறிவிப்பு வெளியிடப்பட்டுள்ளது.

உலகின் சில நாடுகளில் நடைமுறையில் இருந்து வரும் விதிமுறையின்படி மனைவியரை தனிமையில் சந்திக்க சிறைக்கைதிகளுக்கு அனுமதி உண்டு.

அந்த வகையில் ஷார்ஜாவில் தண்டனை அனுபவித்துவரும் கைதிகளும் இனி தங்களது மனைவியரை சிறை வளாகத்தினுள் தனிமையில் சந்திப்பதற்கான அனுமதி வழங்கப்படும் என அந்நாட்டு அரசு அறிவித்துள்ளது.

புதிய சிறைச்சாலை:

ஷார்ஜாவில் உலகத்தரத்துக்கு ஏற்பவும், சர்வதேச மனித உரிமை சபையின் வழிகாட்டி நெறிமுறைகளைப் பின்பற்றியும் உருவாக்கப்பட்டு வரும் புதிய மத்திய சிறைச்சாலையின் கட்டுமானப் பணிகள் நடைபெற்று வருகின்றன.

கட்டுமானப் பணி நிறைவு:

இவ்வாண்டு இறுதிக்குள் நிறைவடையும் என்று அந்நாட்டின் சிறைத்துறை மற்றும் குற்றவாளிகள் சீர்திருத்தத் துறையின் இயக்குனரான கர்னல் அரெப் அல் ஷரீப் அறிவித்துள்ளார்.

தனிமையில் சந்திப்பு:

இந்தச் சிறை வளாகத்தில் உருவாக்கப்பட்டு வரும் தனிப்பகுதியில் "அல் கில்வா-அல் ஷரீயா" என்ற வகையில் தண்டனை அனுபவித்துவரும் கைதிகள் தங்கள் மனைவியரை இனி சட்டப்பூர்வமான முறையில் தனிமையில் சந்திக்க முடியும்.

புதுப்பிக்கப்படும் உறவுகள்:

இதன் மூலம் நீண்ட நாட்களாக பிரிந்திருக்கும் சூழ்நிலையில் இருந்து விடுபட்டு, தங்களது குடும்ப உறவுகளை அவர்கள் புதுப்பித்துக் கொள்ள முடியும் என்று கர்னல் அரெப் அல் ஷரீப் தெரிவித்துள்ளார்.

English summary

Sharjah authorities have decided to allow prisoners to meet their wives privately on the ground this will have positive effect on both the inmates and their families.