வாசிங்டன் போஸ்டில் சேர்ந்தார் அமைச்சர் சசிதரூர் மகன் இஷான்
வாஷிங்டன்: மத்திய அமைச்சர் சசிதரூர் மகனுக்கு அமெரிக்காவின் பிரபல பத்திரிக்கையான வாஷிங்டன் போஸ்டில் பணி வழங்கப்பட்டுள்ளது.
மத்திய மனித வளத்துறை அமைச்சரான சசிதரூரின் மகன் இஷான் தரூர். இவருக்கு அமெரிக்காவின் பிரபல பத்திரிக்கையான வாஷிங்டன் போஸ்டில் பணி கொடுக்கப்பட்டுள்ளது.
இதுகுறித்து வாஷிங்டன் போஸ்ட் வெளியிட்டுள்ள அறிக்கையில், டைம் பத்திரிக்கையில் பணியாற்றி வந்த இஷான் தரூருக்கு அவரது திறமைக்காக எங்களது நிறுவனத்தில் சர்வதேச விவகாரத்துறையின் இணை ஆசிரியராக பொறுப்பு வழங்கியுள்ளோம் என்பதை மகிழ்ச்சியுடன் தெரிவித்துக் கொள்கிறோம் என்று தெரிவித்துள்ளது.
இதுகுறித்து சசிதரூர் தனது டுவிட்டரில் வாஷிங்டன் போஸ்டில் பதவி கிடைத்துள்ள இஷானுக்கு பாராட்டுக்கள் என்று தெரிவித்துள்ளார்.
இஷான் தரூர் நீண்ட காலமாகவே பத்திரிக்கை துறையில் பணியாற்றி வருகிறார். அமெரிக்காவின் மற்றொரு பிரபல பத்திரிக்கையான டைம் பத்திரிக்கையில் சர்வதேச விவகாரங்களை கவனித்து வந்தார்.
தற்போது இவருக்கு அமெரிக்காவின் செல்வாக்கு மிக்க பத்திரிக்கையான வாஷிங்டன் போஸ்டில் வெளியுறவுத்துறை விவகார இணை ஆசிரியராக பதவி வழங்கப்பட்டுள்ளது.
Click it and Unblock the Notifications
Sign in with Google