அமெரிக்காவில் டிபார்ட்மென்ட் ஸ்டோர் வெளியே துப்பாக்கிச்சூடு: 2 பேர் காயம்

இலினாய்ஸ்: அமெரிக்காவில் ஒரு கடைக்கு வெளியே துப்பாக்கிச்சூடு நடந்தது. இதில் 2 பேர் காயம் அடைந்தனர்.

அமெரிக்காவின் இலினாய்ஸ் மாநிலத்தில் உள்ளது ரோமியோவில். நேற்று இரவு 10 மணி அளவில் அங்குள்ள கோஹ்லிஸ் டிபார்ட்மென்ட் ஸ்டோருக்குள் புகுந்த சிலர் அங்கிருந்து உடைகளை திருடிக் கொண்டு ஓடினர். கடைக்கு வெளியே நிறுத்தி வைக்கப்பட்டிருந்த கருப்பு நிற காரை நோக்கி அவர்கள் ஓடினர். இது குறித்து தகவல் அறிந்த போலீசார் அங்கு வந்தனர்.

அதற்குள் அந்த நபர்கள் காரில் ஏறி கிளம்பினர். அப்போது ஒரு போலீஸ் அதிகாரி அவர்களை நிறுத்த முயன்றபோது அவரை காரில் இழுத்துச் சென்றுள்ளனர். அப்போது அங்கிருந்த மற்றொரு போலீஸ்காரர் கார் டிரைவரை நோக்கி சுட்டதில் அவரது தோளில் குண்டு பாய்ந்தது. காரில் உள்ளவர்களால் இழுத்துச் செல்லப்பட்டதில் காயம் அடைந்த போலீஸ்காரர் மற்றும் கார் டிரைவர் ஆகியோர் மருத்துவமனையில் அனுமதிக்கப்பட்டுள்ளனர்.

இந்நிலையில் போலீசார் காரில் இருந்த மற்ற 2 பேரை கைது செய்தனர்.

English summary

At least two persons were injured in a shooting incident in the parking lot of a Kohl's store in Romeoville in Illinois around 10 pm on Thursday.