இன்று இந்த ஆண்டின் மிகக் குறுகிய பகல் பொழுது நாள்...!

லண்டன்: இன்று இந்தாண்டின் மிகக் குறுகிய பகல் பொழுது கொண்ட நாள் ஆகும். எனவே இன்று தாமதமாகவே உதித்த சூரியன், சீக்கிரமாகவே மறைந்து விடும்.

பூமத்திய ரேகை எனப்படும் நில நடுக்கோட்டை மார்ச் 21 மற்றும் செப்டம்பர் 21 ஆகிய நாட்களில் சூரியன் கடந்து செல்கிறது. இந்த நாட்களில் இரவும், பகலும் சமமான நேரம் உடையவையாக இருக்கும். இவ்வரிசையில், ஜூன் 22ம் தேதி ஆண்டின் நீளமான பகல் பொழுது நிலவும்.

இதேபோல், பூமியின் வடக்கு பகுதிக்கு அருகேயுள்ள பகுதிகளில் டிசம்பர் மாதம் தினசரி சூரியன் சீக்கிரம் மறைந்துவிடும். அதன்படி, வடக்கு நாடுகளில் ஆண்டின் குறுகிய பகல் - நீண்ட இரவாக டிசம்பர் 22, அதாவது இன்று உள்ளது.

இது குறித்து விஞ்ஞானிகள் கூறுகையில், "குறுகிய பகல் நாளில் தாமதமாக விடிந்து விரைவாக சூரியன் அஸ்தமனமாகும். நீண்ட பகல் மற்றும் குறுகிய பகல் நாட்கள் பழங்காலத்தில் மக்களிடம் ஒருவித அச்சத்தை ஏற்படுத்தியது. ஆனால் இன்றைய அறிவியல் யுகத்தில் இந்த மாறுதல்கள் மக்களால் ரசிக்கப்படுகிறது" என்கின்றனர்.

இன்றைய தினத்தில் அமெரிக்காவின் கிழக்கு கடற்கரைப் பகுதியில் 9 மணி 15 நிமிடங்கள் பகல் நேரமாக இருக்கும்.

English summary

The winter solstice will fall in the early morning hours of Dec. 22, marking the first day of winter and the shortest day of the year in the Northern Hemisphere.