இப்படியுமா செய்வாங்க? சிக்கன் கடையான சீதை-ராமர் கோவில்.. பாகிஸ்தானில் என்ன நடக்கிறது? ஷாக் தகவல்

இஸ்லாமபாத்: பாகிஸ்தானில் உள்ள அஹ்மத்பூரில் பழமையான சீதை-ராமர் கோவில் சிக்கன் கடையாக மாற்றப்பட்டுள்ள வீடியோ ஒன்று இணையதளங்களில் வெளியாகி வேகமாக பரவி வருவது அதிர்ச்சியை ஏற்படுத்தி உள்ளது.

பாகிஸ்தான் இஸ்லாமிய நாடாக உள்ளது. அங்கு இந்து மதத்தை சேர்ந்தவர்கள் சிறுபான்மை மக்களாக வாழ்ந்து வருகின்றனர். ஆண்டுதோறும் அங்கு வசித்து வரும் இந்து மக்களின் எண்ணிக்கை என்பது குறைந்து வருகிறது.

இதனால் இந்தியாவிடம் இருந்து பாகிஸ்தான் பிரிந்தபோது அங்கு இருந்த இந்துக்களை ஒப்பிடும்போது தற்போது குறைந்த அளவில் மட்டுமே வசித்து வருகின்றனர். அதோடு மட்டுமின்றி அவ்வப்போது சிறுபான்மையினராக வாழும் இந்து மக்கள் மீதும், கோவில்கள் மீதும் தாக்குதல் நடத்தும் சம்பவங்கள் நடந்து வருகின்றனர்.

இந்நிலையில் தான் தற்போது இணையதளத்தில் வீடியோ ஒன்று வெளியாகி அதிர்ச்சியை ஏற்படுத்தி உள்ளது. அதாவது பாகிஸ்தானின் அஹ்மத்பூர் சியாலில் பழமையான சீதை-ராமர் கோவில் உள்ளது. இந்த கோவில் 100 ஆண்டுகளுக்கு முன்பு கட்டப்பட்டதாகும். இந்த கோவில் தற்போது சிக்கன் கடையாக மாற்றப்பட்டுள்ளது. அதாவது கோவிலின் வாசலில் சிக்கன் விற்பனை செய்யப்படுகிறது.

பாகிஸ்தானில் உள்ள வரலாற்று சிறப்பு மிக்க பழமையான கோவில்களில் ஒன்றாக இது இருந்தது. இங்கு அந்த பகுதியை சேர்ந்த இந்து மக்கள் வழிபாடு செய்து வந்தனர். அதோடு கோவிலில் வரையப்பட்டுள்ள சிற்பங்கள் பாரம்பரிய கட்டடக்கலையை பறைசாற்றும் வகையில் உள்ளது. இத்தகைய சூழலில் தான் தற்போது இந்த கோவில் ஆக்கிரமிக்கப்பட்டு சிக்கன் கடையாக மாறியுள்ளது.

இதுதொடர்பான வீடியோ தற்போது இணையதளங்களில் வெளியாகி பரவி வரும் நிலையில் நெட்டிசன்கள் கடும் எதிர்ப்பு தெரிவித்து வருகின்றனர். பாகிஸ்தானில் மதசுதந்திரம் என்பது அப்பட்டமாக மீறப்பட்டள்ளது. பாகிஸ்தான் அங்குள்ள சிறுபான்மை மக்களான இந்துக்களின் உணர்வுகளை புண்படுத்துகிறது என்பதற்கு சாட்சியாக இந்த வீடியோ உள்ளதாக தெரிவித்துள்ளனர்.

அதோடு பாகிஸ்தானில் உள்ள சீதை-ராமர் கோவில் சிக்கன் கடையாக மாற்றப்பட்டுள்ளது துரதிர்ஷ்டவசமானது. இது பாகிஸ்தானில் இந்துக்களுக்கு எதிரான செயல்கள், துன்புறுத்துதல் உள்ளிட்ட சம்பவங்கள் இன்னும் தொடர்கிறது என்பதற்கு சாட்சியாக இது அமைந்துள்ளது. அதோடு அங்கு மனித உரிமைகள் மீறப்பட்டுள்ள வருவதாக நெட்டிசன்கள் வருத்தம் தெரிவித்து வருகின்றனர்.

English summary

A video of an ancient Sita-Ram temple in Ahmedpur, Pakistan being converted into a chicken shop has gone viral on the internet.