குள்ளமானவர்களை சண்டைக்காரர்களாக மாற்றும் ”ஷார்ட் மேன் சிண்ட்ரோம்”- ஆய்வில் தகவல்

நியூயார்க்: ஆண்களில் உயரம் குறைவாக இருப்பவர்கள் சண்டைகளில் அதிகளவில் ஈடுபடுகின்றார்கள் என்று ஆய்வு ஒன்று தெரிவித்துள்ளது.

அமெரிக்காவின் ஜார்ஜியா மாநிலத்தின் அட்லாண்டா நகரில் உள்ள தேசிய நோய்த்தடுப்பு ஆணையம் மூலம் சுமார் 600 ஆண்களிடம் நடத்தப்பட்ட கணக்கெடுப்பில் பொதுவாக இருக்கும் ஆண்களை விட உயரம் குறைவான, கட்டுடல் இல்லாதவர்கள் வெறும் கைகளால் அடித்தோ, ஆயுதங்களால் தாக்கியோ சண்டைபோடும் வாய்ப்பு அதிகம் இருப்பதாக தெரியவந்துள்ளது.

குறிப்பாக, குள்ளமானவர்களில் இளம்பருவத்தினரே இதுபோன்ற செயல்களில் அதிகமாக ஈடுபடுவதாகவும் இந்த ஆய்வு மூலம் தெரியவந்துள்ளது. "ஷார்ட் மேன் சிண்ட்ரோம்" என்று அழைக்கப்படும் இந்த மன பாதிப்பால், அவர்கள் மிகவும் கொடுமையான மனது கொண்டவர்களாக மாறிவிடுகின்றார்கள். புறக்கணிப்பும், தவறான வார்த்தைகளுமே அவர்களை இப்படி மாற்றிவிடுவதாகவும் ஆய்வு தெரிவித்துள்ளது.

குழந்தைகள் மனதில் நாம் பதிய வைக்கும் இதுபோன்ற விஷயங்கள்தான் நஞ்சாய் மாறுகின்றன என்பதை நினைவில் வைத்துக்கொண்டு செயல்படுவது எதிர்கால தலைமுறையினருக்கு நல்லது என்பது குறிப்பிடத்தக்கது.

English summary

Men who feel the least masculine are nearly three times more likely to commit violent acts compared with those who are comfortable in their own skin.