அயோ பாம்பூ... மெக்சிகோ விமானத்தில் களேபரம்!

மெக்சிகோ விமானம் ஒன்றில் குட்டி பாம்பு கண்டுபிடிக்கப்பட்டதால் பயணிகள் பெரும் பீதியடைந்தனர்.

மெக்சிகோ சிட்டி: மெக்சிகோ விமானம் ஒன்றில் குட்டிப் பாம்பு பெரிய பீதியைக் கிளப்பி விட்டு விட்டது.

விமானம் பறந்து கொணடிருந்தபோது இந்த குட்டிப் பாம்பு கண்டுபிடிக்கப்பட்டதால் பயணிகள் பெரும் அச்சமடைந்தனர். தலைக்கு மேலே இருந்த சூட்கேஸ்களுக்கு மத்தியில் பாம்பு இருந்ததால் பயணிகள் பெரும் பீதியடைந்து விட்டனர்.

இதை ஒரு பயணி வீடியோ எடுத்து வெளியில் விட்டுள்ளார். இது வைரல் ஆகப் பரவியுள்ளது.

இதுகுறித்து மெதினா என்ற பயணி கூறுகையில் நான் புக் படித்துக் கொண்டிருந்தேன். அப்போது அருகில் இருந்த இன்னொரு பயணி பாம்பைப் பார்த்து விட்டு அலறினார். நான் பயந்து விட்டேன். அந்தப் பாம்பு 3 அடி நீளம் இருக்கும் என்றார்.

தலைக்கு மேல் பாம்பைப் பார்த்த பயணிகள் எங்கே தலை மீது விழுந்து விடுமோ என்ற பயத்தில் அவசரம் அவசரமாக சீட்டை விட்டு ஓடினர்.

பாம்பு விமானத்தில் இருந்தது தெரிய வந்ததும் விமானம் அவசரமாக மெக்சிகோ சிட்டியில் தரையிறக்கப்பட்டது. பின்னர் பாம்பு வெளியே கொண்டு செல்லப்பட்டது. பிறகே நிலைமை சகஜமாக மாறியது.

English summary

In a shocking video, a snake was seen on-board a Mexico flight. The serpent crawled out of the overhead luggage compartment. Mobile phone video shot by a passenger showed it wriggling briefly as if trapped before partially dropping down into the cabin.