ஜெர்மனியில் பாஸ்போர்ட்டை தொலைத்த ஒஸ்தி வில்லன் சோனு சூட்... ஓடி வந்து உதவிய இந்திய தூதரகம்
ஜெர்மனி: ஐஃபா விழாவிற்கு ஜெர்மனி சென்றிருந்த வில்லன் நடிகர் சோனு சூட் தன் பாஸ்போர்ட்டை தொலைத்து விட்டு தவித்துள்ளார். திகைத்து நின்ற சோனு சூட் தம்பதிகளுக்கு இந்திய தூதரகம் தற்காலிக பாஸ்போர்ட் கொடுத்து உதவியதாம்.
சந்திரமுகி, அருந்ததி, ஒஸ்தி நெஞ்சினிலே உள்ளிட்ட பல்வேறு தமிழ் படங்களில் வில்லனாக நடித்திருப்பவர் சோனு சூட். இந்தி படங்களில் தற்போது நடிக்கிறார். ஹாலிவுட் நடிகர் ஜாக்கி சான் உடன் இணைந்து குங்ஃபூ யோகா படத்தில் நடித்து வருகிறார்.
அண்மையில் பிரபல விருது விழாவில் கலந்து கொள்ள நடிகர் சோனு சூட் தன்னுடைய மனைவியுடன் ஸ்பெயின் நாட்டின் விமான நிலையத்தில் இறங்கியுள்ளார்.அப்போது சோனு மனைவியின் கைப்பை தொலைந்தது தெரியவந்துள்ளது.
அந்த கைப்பையில்தான் இருவருடைய பாஸ்போர்ட், பணம் உள்ளிட்ட முக்கிய டாக்குமெண்ட்டுக்கள் இருந்தன. இதனால் செய்வதறியாது திகைத்து நின்ற சோனு சூட் தம்பதிகளுக்கு இந்திய தூதரகம் தற்காலிக பாஸ்போர்ட் உள்ளிட்ட உதவிகள் செய்ததாக தகவல்கள் வெளியாகியுள்ளன.