மிஸ் யுனிவர்ஸ் பட்டம் வென்றார் தென்னாப்பிரிக்க அழகி நெல் பீட்டர்ஸ் #MissUniverse
மிஸ் யுனிவர்ஸ் பட்டத்தை வென்று தென்னாப்பிரிக்காவை சேர்ந்த அழகி கிரீடம் சூடியுள்ளார்.
Recommended Video
லாஸ்வேகஸ்: அமெரிக்காவில் நடைபெற்ற பிரபஞ்ச அழகிப்போட்டியில் தென்னாப்பிரிக்கா நாட்டைச் சேர்ந்த டெமி லெய்க் நெல் பீட்டர்ஸ் பட்டம் வென்று மகுடம் சூடினார்.
இரண்டாவது இடத்தை கொலம்பியா நாட்டு அழகியும், மூன்றாவது இடத்தை ஜமைக்கா நாட்டுப்பெண்ணும் தட்டிச்சென்றனர்.
அமெரிக்காவின் லாஸ்வேகாஸ் நகரில் உள்ள பிளானெட் ஹாலிவுட் ரிசார்ட் அண்ட் கேசினோ என்னுமிடத்தில் 66வது மிஸ் யுனிவர்ஸ் போட்டி நடைபெற்றது. இதில் 92 நாடுகளைச் சேர்ந்த அழகிகள் பங்கேற்றனர்.
அவர்களுக்கு அறிவுத் திறன், நீச்சல் உடை, மாலை நேர உடை என பல்வேறு போட்டிகள் நடத்தப்பட்டு இறுதிப்போட்டிக்கு 10 அழகிகள் தேர்ந்தெடுக்கப்பட்டனர்.
இறுதிச்சுற்றில் தென்னாப்பிரிக்க நாட்டைச் சேர்ந்த 22 வயதான நெல் பீட்டர்ஸ் பிரபஞ்ச அழகிப் பட்டத்தை வென்று மகுடம் சூடினார். கடந்த ஆண்டு பட்டம் வென்ற பிரான்ஸ் நாட்டைச் சேர்ந்த பிரபஞ்ச அழகி ஐரீஸ், கிரீடத்தை சூட்டி விட்டார். ஆனந்த கண்ணீர் மல்க மகுடம் சூடிக்கொண்டார் நெல் பீட்டர்ஸ்.
மிஸ்யுனிவர்ஸ் பட்டம் வென்ற அழகிக்கு பரிசாக நியூயார்க் நகரில் அபார்ட்மென்ட் உள்ளிட்ட பல கோடி ரூபாய் மதிப்புள்ள பரிசுகள் கிடைத்துள்ளன.
Click it and Unblock the Notifications
Sign in with Google