உலகின் பெரிய ராக்கெட் வெற்றிகரமாக ஏவப்பட்டது.. வானத்தை ஆளப்போகும் ஃபல்கான் ஹெவி!

Posted By:
Subscribe to Oneindia Tamil
    நாசாவால் முடியாததை முடித்த தனியார் நிறுவனம்!

    நியூயார்க்: கடந்த 2011ல் ஸ்பேஸ் ஷட்டில் செய்யும் வேலையை நாசா நிறுத்தியது. அதற்குப் பதிலாக பூமியின் சுற்றுவட்டப்பாதை வரை மட்டும் செல்லும் ராக்கெட்டுகளை உருவாக்கியது.

    பூமிக்கு வெளியே நடக்கும் ஆராய்ச்சிகள் அனைத்தும் வானத்தில் இருக்கும் ஸ்பேஸ் ஸ்டேஷன் மூலம் செய்யப்பட்டது. இதனால் நாசாவின் செவ்வாய் கிரக பயண ஆசை கனவாகவே இருக்குமோ என்று நினைக்கப்பட்டது.

    ஆனால் தற்போது உலகின் பெரிய ராக்கெட்டான ''ஃபல்கான் ஹெவி'' ஸ்பேஸ் எக்ஸ் என்ற நிறுவனம் மூலம் ஏவப்பட்டு இருக்கிறது. இதில் உலகில் எந்த ராக்கெட்டிலும் இல்லாத பல சிறப்பம்சங்கள் இருக்கிறது.

    ஃபல்கான் ஹெவி

    ஸ்பேஸ் எக்ஸ் நிறுவனத்தின் நிறுவனர் எலோன் மஸ்க்கின் கனவுத் திட்டம் இது என்று கூறலாம். உலகிலேயே இதுதான் பெரிய சக்தி வாய்ந்த ராக்கெட் ஆகும். 18 போயிங் விமானங்களுக்கு இணையான சக்தியும், 747 ஜெட் விமானங்களுக்கு இணையாக வேகமும் கொண்டது இது என்று கூறப்படுகிறது.

    வெற்றி வெற்றி

    நேற்று இரவு 12 மணிக்கு இந்த ராக்கெட் வெற்றிகரமாக ஏவப்பட்டது. அப்போலோ 11 ஏவப்பட்ட அதே இடத்தில் இருந்து 18,747 ஜெட் வேகத்தில் ஏவப்பட்டு இருக்கிறது. இவ்வளவு பெரிய சக்தியை உருவாக்க இதில் 27 எஞ்சின்கள் பயன்படுத்தப்பட்டு இருக்கிறது.

    திரும்பும்

    பொதுவாக ஒரு ராக்கெட் பூமியை விட்டு வெளியே சென்றதும் திரும்பி பூமிக்கு வரும் போது காற்றில் உராய்வு ஏற்பட்டுத் தீ பற்றி எரியும். இதுவரை எல்லா ராக்கெட்டும் இப்படித்தான் செயல்பட்டு வந்தது. ஆனால் அதை சில வருடங்களுக்கு முன்பே ஸ்பேஸ் எக்ஸ் நிறுவனம் முறியடித்தது. அதேபோல் இந்த ராக்கெட்டும் மீண்டும் திரும்பி வரும் திறன் கொண்டது.

    சொந்த கார்

    இந்த ராக்கெட்டில் சாட்டிலைட்டுக்கு பதிலாக கார் ஒன்று இருக்கிறது. டெஸ்லா நிறுவனத்திற்குச் சொந்தமான 'செர்ரி ரெட் டெஸ்லா' கார் இதில் செலுத்தப்பட்டு உள்ளது. இதன் விலை 90 லட்சத்தில் இருந்து 1 வரை இருக்கும். டெஸ்லா நிறுவனம் அவருடைய சொந்த கார் நிறுவனம் ஆகும்.

    திட்டம்

    இவ்வளவு பெரிய ராக்கெட் இப்படி பூமிக்கு வெளியே வெற்றிகரமாக ஏவப்பட்டது இல்லை. இதுதான் முதல்முறை. இதை தற்போது நாசா, பென்டகன் எல்லாம் பயன்படுத்த இருக்கிறது. எதிர்காலத்தில் நிலவிற்கு, செவ்வாய்க்கும் மனிதர்களை அனுப்ப இந்த ராக்கெட் பயன்படுத்தப்பட இருக்கிறது.

    திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

    English summary
    Space X successfully launches Falcon Heavy rocket. It is known as the worlds's largest and most power full rocket. It has created by Space X Company which is a private space research company run by Elon Musk.

    நாள் முழுவதும் oneindia
    செய்திகளை உடனுக்குடன் பெற