செய்திகளை வெளியிட இனி கூகுள் பணம் செலுத்தவேண்டும்- புது சட்டம் போடும் ஸ்பெயின்!

மாட்ரிட்: கூகுள் போன்ற தேடல் பொறிகள் சில உள்ளடக்கங்களை வெளியிட இனிமேல் பணம் செலுத்த வேண்டும் என ஸ்பெயின் அறிவித்துள்ளது.

ஸ்பெயினின் செய்தி ஊடக நிறுவனங்களின் சில காப்புரிமை பெற்ற உள்ளடக்கங்களை வெளியிட இனிமேல் பணம் வசூலிக்கப்படும் என ஸ்பானிஷ் அரசாங்கம் கடந்த வெள்ளி அன்று புதிய சட்டத்தை நிறைவேற்றியுள்ளது.

இந்த புதிய சட்டம் ஐரோப்பாவின் பல இடங்களிலும் நடை முறைக்கு வந்துள்ளது.போர்சுகல்,பிரான்சு,பெல்ஜியம் மற்றும் ஜெர்மனி ஆகியவை தற்போது தேடல் பொறிகளை அவற்றின் செய்திகள்,இணைப்புகள் ஆகியவற்றிற்கு வரி அளிக்க வேண்டும் என நிர்பந்திக்க ஆரம்பித்துள்ளன.

மேலும்,தேடல் பொறிகளில் வெளியிடப்படும் விளம்பரங்களுக்கும் பங்கு அளிக்க வேண்டும் என தெரிவித்துள்ளது.ஸ்பெயினின் பத்திரிக்கை நிறுவனங்கள் இந்த சட்டத்தை வரவேற்றாலும்,கூகுள் போன்ற தேடல் பொறிகள் இந்த புதிய சட்டத்தால் மிகுந்த பாதிப்பிற்கு உள்ளாகி உள்ளது குறிப்பிடத்தக்கது.

English summary

News media companies in Spain will be able to charge search engines such as Google for displaying copyrighted content under a new law proposed by the Spanish government on Friday. The measure echoes similar drives around Europe.