இலங்கைத் தூதரை அடித்து உதைத்த இலங்கை வெளியுறவுத்துறை செயலாளர்!

Published: Sunday, October 5, 2014, 14:57 [IST]

Subscribe to Oneindia Tamil

நியூயார்க்: இங்கிலாந்துக்கான இலங்கை தூதர் டாக்டர் கிறிஸ் நோனிஸ் தாக்கப்பட்டார். அவரை சரமாரியாக அடித்து உதைத்துள்ளார் இலங்கை அதிபரின் செயலக அதிகாரியும், வெளியுறவுத்துறை செயலாளர் அந்தஸ்தில் இருப்பவருமான சஜின் டி விவாஸ் குனவர்த்தன என்பவர்.

நியூயார்க்கில் வைத்து இந்த சம்பவம் நடந்துள்ளது. அதாவது ஐ.நா. பொதுச் சபைக் கூட்டத்தில் பங்கேற்க வந்த ராஜபக்சேவின் குழுவில் இடம் பெற்றிருந்தவர் இந்த சஜின்.

செப்டம்பர் 24ம் தேதி இந்த சம்பவம் நடந்துள்ளது. அன்று நியூயார்க்கில் ஒரு விருந்து நிகழ்ச்சி நடந்துள்ளது. அதில் சிங்களக் குழுவினர் கலந்து கொண்டுள்ளனர். அப்போதுதான் கிறிஸை, சஜின் சரமாரியாக அடித்துள்ளார். கன்னத்தில் அறைந்த அவர், கீழே விழுந்த கிறிஸை காலால் மிதிக்கவும் செய்துள்ளார்.

ஆனால் இந்த செய்தி குறித்து முதலில் கிறிஸ் மறுப்பு தெரிவித்திருந்தார். ஆனால் தன்னை சஜின் தாக்கியது உண்மைதான் என்று கூறியுள்ளார்.

இருப்பினும் அவர் இதுவரை தனது பதவியை ராஜினாமா செய்யவில்லை. இதுகுறித்து இலங்கை மீடியா அமைச்சர் கெகலிய ரம்புகவெல்லா கூறுகையில், இதுவரை கிறிஸ் ராஜினாமா செய்ததாக எங்களுக்குத் தகவல் இல்லை. அவர் தொடர்ந்து தூதராக தொடர்கிறார் என்று கூறினார்.

Published On October 5, 2014