அமெரிக்காவில் நடந்த சாலை விபத்தில் ஹைதராபாத் மாணவர் சாவு.. சினிமா பார்த்து திரும்பியபோது சோகம்
வாஷிங்டன்: ஹைதராபாத்தை சேர்ந்த கல்லூரி மாமவர் ஒருவர் அமெரிக்காவின் கலிஃபோர்னியா மாகாணத்தில் நடந்த சாலை விபத்தில் பரிதாபமாக உயிரிழந்தார்.
ஹைதராபாத், பன்ஜராஹில்ஸ் பகுதியை சேர்ந்தவர் விக்ரம் கவுட். ஸ்ரீநிதி இன்ஜினியரிங் கல்லூரியில் பிடெக் படித்து முடித்த, விக்ரம் கவுட், அமெரிக்காவின் கலிஃபோர்னியா மாகாணத்திலுள்ள சிலிக்கான்வேலி பல்கலைக்கழகத்தில் எம்எஸ் படிப்பதற்காக, அமெரிக்கா சென்றார்.
கடந்த வருடம் டிசம்பர் முதல் கலிஃபோர்னியாவின், ரூ என்ற பகுதியில் சக மாணவர்கள் 6 பேருடன் தங்கியிருந்து படித்து வந்தார். இந்நிலையில், இந்திய நேரப்படி இன்று அவர், தனது நண்பர்கள் நால்வருடன் காரில் சினிமா பார்க்க தியேட்டர் சென்றிருந்தார். திரும்பி வரும் வழியில், எதிரே வந்த கார் விக்ரம் கவுட் பயணித்த காரில் மோதியது.
வேகமாக சென்று, திடீரென போட்ட பிரேக் காரணமாகவும், அந்த கார் பல்டியடித்தது. இதில் விக்ரம் கவுட் உயிரிழந்தார். நான்கு நண்பர்களும் படுகாயமடைந்தனர்.
Click it and Unblock the Notifications
Sign in with Google