அப்பாவின் ஆபரேஷனுக்கு ரூ. 46 லட்சம் நிதி திரட்டிக் கொடுத்த பாசக்கார "குட்டிப் பையன்"

நியூயார்க்: தனது அப்பாவின் சிறுநீரக மாற்று அறுவைச் சிகிச்சைக்காக இணையத்தின் வாயிலாக ரூ. 46 லட்சம் நிதி திரட்டிக் கொடுத்துள்ளான் அமெரிக்கச் சிறுவன் ஒருவன்.

கடந்த 2007ம் ஆண்டு ‘தி சக்சஸ் கிட்' என்ற பெயரில் சம்மி என்ற குழந்தையின் புகைப்படம் வைரலானது. தற்போது சம்மிக்கு 8 வயதாகிறது.

இந்நிலையில், சமீபத்தில் சம்மியின் தந்தை ஜஸ்டினுக்கு சிறுநீரகக் கோளாறு ஏற்பட்டது. அவரது மருத்துவ சிகிச்சைக்கு ரூ. 46 லட்சம் தேவைப்பட்டது. நிதி உதவி செய்யுமாறு இணையவாசிகளின் உதவியை நாடினார் சம்மியின் அம்மா.

பிரபல நிதி திரட்டும் வலைதளமான GoFundMe-யில் கடந்த 8-ம் தேதி, தன் கணவரின் சிகிச்சைக்கு நிதி உதவி அளிக்குமாறு கேட்டுக்கொண்டு அதற்காக ஒரு பக்கத்தையும் அவர் உருவாக்கினார்.

கடந்த ஒரு வாரத்தில் அவர் எதிர்பார்த்ததிற்கும் அதிகமான நிதியை அள்ளிக் கொடுத்து, சம்மியின் மீது தங்களது அன்பை இணையவாசிகள் வெளிப்படுத்தியுள்ளனர்.

அதனைத் தொடர்ந்து தந்தையோடு சம்மி இருக்கும் தற்போதைய புகைப்படம் இணையத்தில் வெளியிடப்பட்டுள்ளது.

English summary

Now the ‘Success Kid’ is raising money to help pay for his father’s kidney transplant. Sammy Griner, 8, became an internet sensation in 2011 after a photo of him standing on the beach, clenching his fist and tensing his lips went viral, in a photo dubbed “Success Kid”.