சூப்பர் மாடல் ஆன்டிரஜ் ஆனார் ”ஆன்டிரஜா” – பெண்ணாக மாறிய ஆண்

நியூயார்க்: ஆணாக இருந்து வந்த சூப்பர் மாடல் ஒருவர் திடீரென பெண்ணாக மாறியுள்ளார்.

இனிமேல் பெண்களின் ஆடைகளுக்கு தான் மாடலிங் செய்யப் போவதாகவும் அவர் அறிவித்துள்ளார்.

ஆன்டிரஜ் பெஜிக் என்ற பெயர் கொண்ட அந்த சூப்பர் மாடல் இதுதொடர்பாக அறிக்கை மூலம் தெரிவித்துள்ளார்.

அட்டைப்பட அழகன்:

எல்லி, பிரெஞ்ச் வோக் போன்றவற்றின் அட்டைப் படத்தில் சிலமுறை இடம் பெற்றவர் இவர். ஆண்கள் மற்றும் பெண்களுக்கான ரேம்ப் வாக்கிலும் கலந்து கொண்டுள்ளார்.

நீங்களாகவே இருங்கள்:

இதுதொடர்பாக அவர் அனுப்பியுள்ள செய்தியில், என்னைப் போன்ற அனைவருக்கும் நான் சொல்ல விரும்புவது என்னவென்றால் நீங்கள் யாராக இருக்கிறீர்களோ அவ்வாறாகவே இருங்கள். அதற்காக பெருமைப்படுங்கள்.

மனித உரிமைகள்:

அனைத்து மனிதர்களும் மரியாதைக்குரியவர்கள்தான். அவர்கள் யாராக இருந்தாலும் சரி. அடிப்படையில் மனித உரிமைகளுடன் கூடியவர்கள்தான் அனைத்து மனிதர்களும்.

விருப்பம் போல் வாழ்க்கை:

நான் எனது 13 ஆவது வயதில்தான் நான் யார் என்பதை உணர்ந்தேன். இன்டர்நெட் எனக்கு உதவி செய்தது. ஆனால் அப்போது நான் எப்படிப்பட்டவராக உணர்ந்தேனோ அவ்வாறாக இருக்க முடியாமல் போனது. இப்போது நான் எனது விருப்பம் போல இருக்க முடிவு செய்து விட்டேன்.

பெயரும் மாற்றம்:

இது முழுமையான மாற்றம் இல்லை. ஒரு பரிணாம மாற்றம்தான். ஆண்டிரஜ் என்பது கிறிஸ்தவப் பெயர். அது ஆண் பெயரும் கூட. எனவேதான் எனது பெயரில் நான் கூடுதலாக a என்ற எழுத்தைச் சேர்த்துள்ளேன். இப்படி ஒரு பெயர் இருக்கிறாதா என்று எனக்குத் தெரியாது என்று கூறியுள்ளார் அவர்.

English summary

Super model Andreja Pejic, formally known as Andrej Pejic, has come out as transgender. A statement emailed to The Huffington Post by GLAAD notes, Pejic "will only be modeling women's clothing going forward and has received support from her agency, friends and family."