தங்கம் விற்கிற விலைக்கு லண்டன் தெருக்களில் தங்க கார்களில் வலம் வரும் சவுதி பணக்காரர்
லண்டன்: லண்டன் தெருக்களில் சவுதியை சேர்ந்த பெரும் பணக்காரரின் தங்க முலாம் பூசப்பட்ட நான்கு கார்கள் செல்வதை தான் மக்கள் வைத்த கண் வாங்காமல் பார்க்கின்றனர்.
சவுதியை சேர்ந்த பெரும் பணக்காரர் ஒருவர் இங்கிலாந்து தலைநகர் லண்டனில் வசிக்கும் மக்களுக்கு இன்ப அதிர்ச்சியும், ஆச்சரியமும் அளித்துள்ளார். அவர் தங்க முலாம் பூசப்பட்ட தனது 4 சொகுசு கார்களுடன் லண்டன் மாநகர தெருக்களில் வலம் வந்துள்ளார்.
அவர் லம்போர்கினி அவென்டடார், மெர்சிடீஸ் பென்ஸ் ஜி63, பென்ட்லி பிளையிங் ஸ்பர் மற்றும் ரோஸ் ராய்ஸ் ஆகிய நான்கு கார்களுக்கு தங்க முலாம் பூசியுள்ளார். ஒவ்வொரு காருக்கும் தங்க முலாம் பூச மட்டும் அவர் ரூ.4 லட்சம் செலவு செய்துள்ளாராம்.
லம்போர்கினியின் விலை ரூ. 3.3 கோடி, மெர்சிடீஸ் பென்ஸின் விலை ரூ.3.5 கோடி ஆகும். அவர் தனது கார்களை நைட்ஸ்பிரிட்ஜ் பகுதியில் உள்ள ஜுமைரா கார்ல்டன் டவர் ஹோட்டல் வெளியே வரிசையாக நிறுத்தி வைத்துள்ளார்.
தங்க முலாம் பூசப்பட்ட சொகுசு கார்கள் வரிசையாக நிற்பதை பார்க்கும் இளசுகள் கார்களுடன் செல்ஃபி எடுக்க போட்டா போட்டி போட்டுகின்றனர்.
மத்திய கிழக்கு நாடுகளில் உள்ள பெரும்பணக்காரர்கள் கோடை கால வெப்பத்தில் இருந்து தப்பிக்க ஆண்டுதோறும் ஏப்ரல் மாதம் லண்டன் வருவது வழக்கம் என்பது குறிப்பிடத்தக்கது.
Click it and Unblock the Notifications
Sign in with Google