51 வயது மெக்சிகன் பெண்ணின் கர்ப்பப்பையிலிருந்த 61 கி கட்டி - ஆபரேஷன் மூலம் நீக்கம்
மெக்சிகோ சிட்டி: மெக்சிகோவில் 51 வயது பெண்ணின் கர்ப்பப்பையிலிருந்து சுமார் 60 கிலோ எடையுள்ள கட்டியை மருத்துவர்கள் அறுவைச் சிகிச்சை மூலம் அகற்றியுள்ளனர்.
மெக்சிகோ நாட்டைச் சேர்ந்தவர் மெர்சிடெஸ் தலமாண்ட்ஸ் என்ற 51 வயது பெண்மணி. கடந்த ஐந்து வருடங்களாக இவரது வயிற்றில் கனமாக உணர்ந்துள்ளார். நடக்க முடியாமல் சிரமப்பட்ட மெர்சிடசை அவரது மகள் மருத்துவரிடம் அழைத்துச் சென்றுள்ளார்.
அங்கே அவரைப் பரிசோதித்த மருத்துவர்கள் அவரது கர்ப்பப்பையில் கட்டி இருப்பதைக் கண்டறிந்தனர். பின்னர் நான்கு மணி நேர அறுவைச் சிகிச்சை மூலம் அக்கட்டி அகற்றப்பட்டது.
மெர்சிடசின் கர்ப்பப்பையிலிருந்து எடுக்கப்பட்ட அந்தக் கட்டியின் அளவு சுமார் 60 கி இருந்ததாகவும், இதுவரை வயிற்றிலிருந்து எடுக்கப்பட்டவைகளிலேயே இந்தக் கட்டி தான் மிகப் பெரியது என அவருக்கு சிகிச்சை அளித்த மெக்சிகன் சோஷியல் செக்யூரிட்டி இன்ஸ்டிடியூட்டின் மெடிக்கல் பிரிவு தெரிவித்துள்ளது.
Click it and Unblock the Notifications
Sign in with Google